திருப்பூர்:தீபாவளி முடிந்த நிலையில், தென்னம்பாளையம் மார்க்கெட்டில் கூட்டமில்லாததால், காய்கறிகள் குறைந்த விலைக்கு விற்பனையானது.திருப்பூர், பல்லடம் ரோடு, தென்னம்பாளையம் மார்க்கெட்டுக்கு, வெளிமாவட்டம், உள்ளூரில் இருந்து காய்கறி விற்பனை செய்ய, வாங்க, ஏறத்தாழ, 5 ஆயிரம் பேர் வருவர். தினமும், ஒன்றரை கோடி ரூபாய்க்கு வர்த்தகம் நடக்கும்.தீபாவளி முடிந்த நிலையில், மார்க்கெட்டுக்கு குறைந்தளவு காய்கறி மட்டுமே வந்தது. இதனால், காய்கறிவிலை கிலோவுக்கு ஐந்து முதல் பத்து ரூபாய் குறைந்தது.தக்காளி கிலோ, 5 ரூபாய், வெண்டைக்காய் - 15, கத்தரிக்காய் - 40, பாகற்காய் - 35, பீர்க்கங்காய் - 35க்கு விற்றது.வியாபாரிகள் கூறியதாவது:காலை, 9:00 முதல், 2:00 மணி வரை மார்க்கெட் செயல்பட்டது. இருப்பினும், காய்கறி விற்பனையாகாமல் இருப்பு வைக்க குடோனுக்கு எடுத்து செல்லப்பட்டது. கூடுதலாக பொருட்களை வாங்கி இருப்பு வைத்தவர்களுக்கு ஏமாற்றமே மிஞ்சியுள்ளது.இவ்வாறு, அவர்கள் கூறினர்.