'ஐ.நா., பாதுகாப்பு கவுன்சில் பலவீனமாகி விட்டது'

Updated : நவ 18, 2020 | Added : நவ 18, 2020 | கருத்துகள் (15)
Share
Advertisement
நியூயார்க்: '' ஐ.நா., பாதுகாப்பு கவுன்சில் பலவீனம்அடைந்து விட்டது,'' என, ஐ.நா.,வுக்கான இந்திய துாதர், டி.எஸ்.திருமூர்த்தி தெரிவித்துள்ளார்.ஐ.நா., பொதுச் சபையின், 75வது ஆண்டு கூட்டத்தில், இந்திய துாதர் டி.எஸ்.திருமூர்த்தி பேசியதாவது: ஐ.நா., பாதுகாப்பு கவுன்சிலில், ஐந்து நாடுகள் மட்டுமே நிரந்தர உறுப்பினர்களாக உள்ளன. பல நாடுகளின் பிரதிநிதித்துவம் இல்லாத காரணத்தால்,
UN, Ambassador, Tirumurti, ஐநா, இந்தியா, தூதர், திருமூர்த்தி, பாதுகாப்பு கவுன்சில்

நியூயார்க்: '' ஐ.நா., பாதுகாப்பு கவுன்சில் பலவீனம்அடைந்து விட்டது,'' என, ஐ.நா.,வுக்கான இந்திய துாதர், டி.எஸ்.திருமூர்த்தி தெரிவித்துள்ளார்.

ஐ.நா., பொதுச் சபையின், 75வது ஆண்டு கூட்டத்தில், இந்திய துாதர் டி.எஸ்.திருமூர்த்தி பேசியதாவது: ஐ.நா., பாதுகாப்பு கவுன்சிலில், ஐந்து நாடுகள் மட்டுமே நிரந்தர உறுப்பினர்களாக உள்ளன. பல நாடுகளின் பிரதிநிதித்துவம் இல்லாத காரணத்தால், நம்பகத்தன்மையுடன் செயல்பட முடியாமல், ஐ.நா., பாதுகாப்பு கவுன்சில் பலவீனமடைந்து விட்டது. அதை சீர்திருத்துவது தொடர்பாக, உறுப்பு நாடுகள் இடையே நடக்கும் விவாதங்களில், தீர்வுக்கான தீவிரம் இல்லை. பல்கலையில் நடக்கும் விவாதம் போல நடக்கிறது.


latest tamil news


கடந்த, 10 ஆண்டுகளில், சீர்திருத்தம் தேவை என்ற பேச்சைத் தவிர, இந்த விவாதங்களில் உருப்படியான எந்த முன்னேற்றமும் இல்லை. சிறிய, நடுத்தர நாடுகளின் நலனுக்கு பாடுபடுவதாக, வளர்ந்த நாடுகள் முதலைக் கண்ணீர் வடிக்கின்றன; ஆக்கப்பூர்வ விவாதங்களில் அவை அக்கறை காட்டுவது இல்லை. இந்த விவாதங்கள் எதுவும் அதிகாரபூர்வ ஆவணங்களாக பராமரிக்கப்படுவதில்லை. அதனால், மீண்டும் அடுத்த ஆண்டு கூட்டத்தில், அரைத்த மாவையே அரைக்கும் நிலை ஏற்படுகிறது.


latest tamil news


எதனால் இந்த நிலை என சிந்தித்தால், விரல் விட்டு எண்ணக்கூடிய, ஐ.நா., பாதுகாப்பு கவுன்சில் உறுப்பு நாடுகள் தான், பேச்சில் முன்னேற்றம் காண விடாமல் தடுக்கின்றன என்பதை புரிந்து கொள்ளலாம். அவை, உறுப்பு நாடுகளின் பின்னால் இருந்து இயக்குகின்றன. அவை கூறும் நிபந்தனை களை நிறைவேற்ற முடியாது என்பது, உறுப்பு நாடுகளுக்கும் தெரியும். பலவீனமாகி விட்ட ஐ.நா., பாதுகாப்பு கவுன்சில் மிக விரைவாக சீர்திருத்தப்பட வேண்டும். இது தொடர்பாக, ஐ.நா., 75வது ஆண்டு தீர்மானத்தின்படி, நாம் ஒற்றுமையுடன் செயல்பட வேண்டிய தருணம் இது. இவ்வாறு, அவர் பேசினார்.


பாக்.,கிற்கு 'சூடு'


ஐ.நா., பொதுச் சபையில், பாக்., துாதர் முனிர் அக்ரம் பேசும்போது, எல்லை கட்டுப்பாடு கோடு பற்றி குறிப்பிட்டு, பாதுகாப்பு கவுன்சிலில் இந்தியா நிரந்தர உறுப்பினராவதை எதிர்க்கும் விதமாக பேசினார். இதற்கு, இந்திய துாதர், திருமூர்த்தி, ''முக்கியமான விவாதம் நடக்கும் இந்த சபையில், பாக்., துாதரின் பொறுப்பற்ற பேச்சுக்கு பதில் அளித்து, நேரத்தை வீணாக்க விரும்பவில்லை,'' என்றார்.

Advertisement




வாசகர் கருத்து (15)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Eamm - ,
23-நவ-202012:23:59 IST Report Abuse
Eamm Nandri
Rate this:
Cancel
Anand - chennai,இந்தியா
18-நவ-202013:41:00 IST Report Abuse
Anand தற்போதுள்ள ஐ.நா., பாதுகாப்பு கவுன்சிலை கலைத்துவிட்டு புதியதாக உருவாக்கவேண்டும்....
Rate this:
Cancel
Ramalingam Shanmugam - mysore,இந்தியா
18-நவ-202013:30:32 IST Report Abuse
Ramalingam Shanmugam சீனா காரன் சொல்ல்றன்னுட்டு நிரந்தர உறுப்பினர் பதவி கொடுக்க வில்லை என்ன பைத்தியக்காரத்தனம் ?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X