ஈரோடு: ஈரோடு கிழக்கு தொகுதியில், 28 லட்சம் ரூபாய் மதிப்பிலான வளர்ச்சி திட்டப்பணி தொடக்க விழா நேற்று நடந்தது. குயிலான்தோப்பு, பொன்னுசாமி வீதியில், 13 லட்சம் ரூபாய் மதிப்பில், கட்டடப்பணி, கருங்கல்பாளையம் காவேரிக்கரையில், ஏழு லட்சம் ரூபாய் மதிப்பில் பயணிகள் நிழற்கூடம், வீரப்பம்பாளையம் அரசு நடுநிலைப்பள்ளியில் எட்டு லட்சம் ரூபாய் மதிப்பில், பேவர் பிளாக் கற்கள் தளம் அமைத்தல் பணிகளுக்கான பூஜை நடந்தது. எம்.எல்.ஏ.,க்கள் தென்னரசு, ராமலிங்கம் துவக்கி வைத்தனர். அ.தி.மு.க., பகுதி செயலாளர்கள் கேசவமூர்த்தி, முருகுசேகர், தங்கமுத்து, ஆவின் துணை தலைவர் குணசேகரன் உட்பட பலர் பங்கேற்றனர்.