சம்பவம் செய்தி

தமிழ்நாடு

வங்கி ஏ.டி.எம்.,ல் கொள்ளை முயற்சி: தடுத்த வாலிபருக்கு கத்திக்குத்து

Added : நவ 18, 2020
Share
Advertisement
பாப்பிரெட்டிப்பட்டி: பாப்பிரெட்டிப்பட்டி அருகே, ஏடிஎம் மெஷினை உடைத்து, கொள்ளை முயற்சியில் ஈடுபட்ட, நான்கு முகமூடி கொள்ளையர்களை போலீசார் தேடி வருகின்றனர்.தர்மபுரி மாவட்டம், பாப்பிரெட்டிப்பட்டி அடுத்த மூக்காரெட்டிப்பட்டி பஸ் நிறுத்தத்தில், கனரா வங்கியும், அருகே அதன் ஏடிஎம் மையமும் உள்ளது. நேற்று அதிகாலை, 12:40 மணிக்கு ஏடிஎம் மையத்துக்கு, முகமூடி அணிந்த நான்கு பேர்

பாப்பிரெட்டிப்பட்டி: பாப்பிரெட்டிப்பட்டி அருகே, ஏடிஎம் மெஷினை உடைத்து, கொள்ளை முயற்சியில் ஈடுபட்ட, நான்கு முகமூடி கொள்ளையர்களை போலீசார் தேடி வருகின்றனர்.


தர்மபுரி மாவட்டம், பாப்பிரெட்டிப்பட்டி அடுத்த மூக்காரெட்டிப்பட்டி பஸ் நிறுத்தத்தில், கனரா வங்கியும், அருகே அதன் ஏடிஎம் மையமும் உள்ளது. நேற்று அதிகாலை, 12:40 மணிக்கு ஏடிஎம் மையத்துக்கு, முகமூடி அணிந்த நான்கு பேர் வந்துள்ளனர். இருவர் உள்ளே சென்று ஷட்டரை இறக்கி விட்டுள்ளனர். வெளியே ஒருவர் கண்காணிப்பில் ஈடுபட்டுள்ளார். மற்றொருவர் வேறு பகுதிக்கு சென்றுள்ளார். உள்ளே சென்ற இருவரும், டிரில்லிங் மெஷின் மூலம், ஏடிஎம் மெஷினை உடைக்கும் முயற்சியில் ஈடுபட்டுள்ளனர். சத்தம் கேட்டு, வங்கியின் மேல்பகுதி வீட்டில் வசிக்கும் தென்றல் என்பவர், அருகிலுள்ள வி.ஏ.ஓ., கதிரவனிடம் இதுகுறித்து கூறியுள்ளார். இதன்படி, கதிரவன், அவரது மகன் ரவிராகுல், 28, ஆகியோர் சென்றனர். அங்கு, கொள்ளை முயற்சியில் ஈடுபட்டவர்களை பிடிக்க முயன்றபோது, முகமூடி கொள்ளையர்கள் கத்தியால் ரவிராகுல் கையில் குத்தியதுடன், டிரில்லிங் மெஷினை கீழே போட்டு விட்டு தப்பியோடினர். இச்சம்பவத்தில், பணம் எதுவும் கொள்ளை போகவில்லை. தகவலின்படி, சம்பவ இடம் வந்த அரூர் டி.எஸ்.பி., தமிழ்மணி விசாரணை மேற்கொண்டார். மோப்ப நாய் ஜூலி சிறிது தூரம் ஓடி விட்டு நின்றது. இது குறித்து அ.பள்ளிப்பட்டி போலீசார் விசாரித்து வருகின்றனர். ஏடிஎம் மையத்தில் இருந்த கண்காணிப்பு கேமராவில் பதிவாகிய, நான்கு முகமூடி கொள்ளையர்கள் குறித்து, தனிப்படை போலீசார் விசாரணை மேற்கொண்டுள்ளனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X