பொது செய்தி

தமிழ்நாடு

சுரப்பா மீது நீதி விசாரணை ஏன்: பாலகுருசாமி புது தகவல்

Updated : நவ 20, 2020 | Added : நவ 19, 2020 | கருத்துகள் (70)
Share
Advertisement
கோவை: ''தலைமைச் செயலகத்தில் அதிகாரிகளுக்காக ஓடிக்கொண்டிருந்த, அண்ணா பல்கலை வாகனங்களை திரும்ப பெற்றதால், துணைவேந்தர் சுரப்பா மீது கோபம் அடைந்தனர். அரசுக்கு வளைந்து கொடுத்து போகாததால், சுரப்பா பிரச்னையில் சிக்கியுள்ளார்,'' என, அண்ணா பல்கலை முன்னாள் துணைவேந்தர் பாலகுருசாமி தெரிவித்தார்.அண்ணா பல்கலை துணைவேந்தர் சுரப்பா மீது, ஊழல் குற்றம்சாட்டி, அவருக்கு எதிராக
Surappa, AnnaUniversity, BalaGurusamy, அண்ணா பல்கலை, சுரப்பா, விசாரணை, பாலகுருசாமி

கோவை: ''தலைமைச் செயலகத்தில் அதிகாரிகளுக்காக ஓடிக்கொண்டிருந்த, அண்ணா பல்கலை வாகனங்களை திரும்ப பெற்றதால், துணைவேந்தர் சுரப்பா மீது கோபம் அடைந்தனர். அரசுக்கு வளைந்து கொடுத்து போகாததால், சுரப்பா பிரச்னையில் சிக்கியுள்ளார்,'' என, அண்ணா பல்கலை முன்னாள் துணைவேந்தர் பாலகுருசாமி தெரிவித்தார்.

அண்ணா பல்கலை துணைவேந்தர் சுரப்பா மீது, ஊழல் குற்றம்சாட்டி, அவருக்கு எதிராக விசாரணை நடத்தப்படும் என, தமிழக அரசு அறிவித்திருப்பது, கல்வியாளர்கள், பேராசிரியர்களை அதிர்ச்சி அடையச் செய்துள்ளது.

அண்ணா பல்கலை முன்னாள் துணைவேந்தர் பாலகுருசாமி கூறியதாவது: போலி அநாமதேய கடிதத்தை அடிப்படையாகக் கொண்டு விசாரணை நடத்தி, அண்ணா பல்கலை பெயரை களங்கப்படுத்துகின்றனர். புகார் கடிதம் அனுப்பியதாக கூறப்படும் நபரை தொடர்பு கொள்ள, குறிப்பிட்ட தொலைபேசி எண்ணில் அழைத்தேன்; அவ்வாறு யாருமில்லை என, பதில் வந்தது. புகார் மனுவில், திருச்சி அருகிலுள்ள ஒரு இடத்தைக் குறிப்பிட்டுள்ளனர்; அதுவும் போலியானது.


latest tamil news




பேராசிரியர் நியமனத்துக்கு துணைவேந்தர் சுரப்பா, லஞ்சம் வாங்கினார் என்பது ஆதாரமற்றது. இவரது காலத்தில், எந்த நியமனங்களும் நடக்கவில்லை. அவரை வைத்து பணம் சம்பாதிக்க முடியாததால், அரசு அவரை தொந்தரவு செய்கிறது. அவர் அரசுக்கு வளைந்து கொடுத்திருந்தால் பிரச்னையை சந்தித்திருக்க மாட்டார். தலைமைச் செயலகத்தில் அதிகாரிகளுக்காக ஓடிக்கொண்டிருந்த பல்கலை வாகனங்களை திரும்ப பெற்றதால், அவர் மீது கோபம் அடைந்துள்ளனர். மர்ம கடிதத்தின் அடிப்படையில் விசாரணை நடப்பது இதுவே முதல் முறை.


latest tamil news


கோவை பாரதியார் பல்கலை முன்னாள் துணைவேந்தர்கள் சுவாமிநாதன், ஜேம்ஸ் பிச்சை, கணபதி மற்றும் அண்ணா பல்கலை ராஜாராம், மன்னர் ஜவஹர் போன்றவர்கள் மீது லஞ்ச ஒழிப்புத்துறையின் சோதனைகள், விசாரணைகள் நடந்ததை கண்டிருக்கிறோம். அதற்குப் பின் எந்த நடவடிக்கையும் எடுக்கப்படவில்லை. ஏனெனில், பணம் அரசியல்வாதிகளுக்கும், அதிகாரிகளுக்கும் சம பாகமாக பங்களிக்கப்படுகிறது. சுரப்பாவை இடைநீக்கம் செய்வதில், கவர்னரின் முடிவு தான் இறுதி என்பதால், இந்த விஷயத்தில் எதிர்க்கட்சித் தலைவர் ஸ்டாலின், எந்த தலையீடும் செய்ய தேவையில்லை.

2006ல் இருந்து அதிகரித்துள்ள ஊழல் காரணமாக, தமிழகத்தில் உயர்கல்வித்துறை அவல நிலையை எட்டியுள்ளது. அந்த காலகட்டத்தில், ஒரு துணைவேந்தர், அப்பதவியை பெற, 55 கோடி ரூபாய் கொடுத்ததாக தெரிவித்தார். அதை மற்றொரு துணைவேந்தரும் ஒப்புக்கொண்டார். அதிக விலைக்கு ஏலம் எடுப்பவர் மட்டுமே, அப்பதவியைப் பெற முடியும்; திறமைக்கும், நேர்மைக்கும் இடமில்லை.இவ்வாறு, பாலகுருசாமி தெரிவித்தார்.

Advertisement




வாசகர் கருத்து (70)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
வெற்றிக்கொடி கட்டு - நாத்திக, தேசவிரோத கட்சிகளை ஆதரிக்காதீர்,இந்தியா
20-நவ-202023:54:33 IST Report Abuse
வெற்றிக்கொடி கட்டு ரொம்ப ஸ்ட்ரிக்ட்டா இருந்தா ஊழல் குற்றச்சாட்டு சுமத்தி வெளியேத்திருவோம் அப்படித்தான் எங்களோட திருட்டு திராவிடக் கட்சிகள் சொல்லி கொடுத்திருக்கு
Rate this:
Cancel
வெற்றிக்கொடி கட்டு - நாத்திக, தேசவிரோத கட்சிகளை ஆதரிக்காதீர்,இந்தியா
20-நவ-202023:53:27 IST Report Abuse
வெற்றிக்கொடி கட்டு சுரப்பாவுக்கு தமிழ்நாடுன்னா என்ன, அதோட கல்ச்சர் என்ன எல்லாமே நல்லா புரிஞ்சிருக்கும்
Rate this:
Cancel
baala - coimbatore,இந்தியா
20-நவ-202010:41:58 IST Report Abuse
baala பாலகுருசாமி நேர்மையான வழியில் பதவியை பெற்றாரா என்பது யாரேனும் சொல்லுங்களேன். இவர் நேர்மையானவர் என்றால் நான் யாருடைய தயவுமின்றி பதவிக்கு வந்தவன் என்று சொல்லவில்லையே. இவர் அடுத்த மாநிலத்தின் முதல்வர் தயவால் இந்த பதவியை பெற்றார் என்று அப்போது ஒரு செய்தி. இவர் எதனை கோடி கொடுத்தார் / அப்படி கொடுக்கவில்லை என்றால் இவர் எப்படி பதவிக்கு வந்தார் என்று நிறைய பேருக்கு தெரியும். யோகியர் போல பேசலாம், அனால் அப்படி பேசுவது கேவலம்,
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X