மகளிர் சக்தி விருதுதிருவள்ளூர்: மத்திய அரசின், மகளிர் மற்றும் குழந்தை மேம்பாட்டு அமைச்சகம் மூலம், மகளிர் சக்தி விருதுக்கு, விண்ணப்பம் வரவேற்கப்படுகிறது.மகளிருக்கான சுகாதாரம், சட்ட உதவி, விழிப்புணர்வு என, பெண்களுக்கு சேவை புரிந்தோர் மற்றும் நிறுவனங்களை அங்கீகரிக்கும் பொருட்டு, மகளிர் சக்தி விருது வழங்கப்படும்.தனிப்பட்ட நபர்களுக்கு, 1 லட்சம் ரூபாய் மற்றும் சான்றிதழ்; நிறுவனம் என்றால், இரண்டு லட்சம் ரூபாய் மற்றும் சான்றிதழ் வழங்கப்படும்.இவ்விருதுகளை பெற, திருவள்ளுர் மாவட்டத்தை சார்ந்த பெண்கள் மற்றும் நிறுவனங்களிடமிருந்து விண்ணப்பங்கள் www.narishaktiapuraskar.wcd.gov.in இணையதளம் வழியாக, வரும், 7ம் தேதிக்குள் விண்ணப்பிக்குமாறு, கலெக்டர் பொன்னையா தெரிவித்து உள்ளார்.விண்ணப்பம் வரவேற்புதிருவள்ளூர்: திருவள்ளூர் மாவட்ட ஆதிதிராவிடர் நல விடுதி மற்றும் பழங்குடியினர் நல விடுதிகளில், காலியாக உள்ள, 11 சமையலர் பணியிடங்களுக்கு, தகுதியான நபர்களிடமிருந்து, விண்ணப்பம் வரவேற்கப்படுகிறது.ஆதிதிராவிடர் மற்றும் பழங்குடியினர் இனத்தைச் சேர்ந்தோருக்கு முன்னுரிமை அளிக்கப்படும். 18 - 35 வயது வரை உள்ளோர், திருவள்ளூர் மாவட்ட ஆதிதிராவிடர் மற்றும் பழங்குடியினர் நல அலுவலகத்தில் விண்ணப்பங்கள் பெற்று, நேரடியாகவோ அல்லது பதிவஞ்சல் மூலமாகவோ, வரும், 4ம் தேதிக்குள் விண்ணப்பிக்குமாறு, கலெக்டர் பொன்னையா கேட்டுக் கொண்டுள்ளார்.