பொது செய்தி

தமிழ்நாடு

பெரியாறு அணை நீர்ப்பிடிப்பில் ஆக்கிரமிப்பு தமிழக விவசாய சங்கங்கள் குற்றச்சாட்டு

Added : நவ 21, 2020
Share
Advertisement
கூடலுார்:'பெரியாறு அணை நீர்ப் பிடிப்பில் தனியார் தங்கும் விடுதிகள், நட்சத்திர ஓட்டல்கள் என கட்டி, ஆக்கிரமித்துள்ளனர். அவர்களைக் காப்பாற்றவே, நீர்மட்டத்தை, 152 அடியாக உயர்த்த, கேரள அரசு எதிர்ப்பு தெரிவிப்பதுடன், புதிய அணை என்ற திட்டத்தை கையில் எடுத்துள்ளது' என, தமிழக விவசாய சங்கங்கள் குற்றம் சாட்டியுள்ளன.தேனி மாவட்ட எல்லையில், கேரளாவில் உள்ள முல்லை பெரியாறு அணையின்

கூடலுார்:'பெரியாறு அணை நீர்ப் பிடிப்பில் தனியார் தங்கும் விடுதிகள், நட்சத்திர ஓட்டல்கள் என கட்டி, ஆக்கிரமித்துள்ளனர். அவர்களைக் காப்பாற்றவே, நீர்மட்டத்தை, 152 அடியாக உயர்த்த, கேரள அரசு எதிர்ப்பு தெரிவிப்பதுடன், புதிய அணை என்ற திட்டத்தை கையில் எடுத்துள்ளது' என, தமிழக விவசாய சங்கங்கள் குற்றம் சாட்டியுள்ளன.

தேனி மாவட்ட எல்லையில், கேரளாவில் உள்ள முல்லை பெரியாறு அணையின் மொத்த உயரம், 152 அடி. இதில், 104 அடி வரை, 'டெட் ஸ்டோரேஜில்' உள்ள, 5 டி.எம்.சி., தண்ணீரை, தமிழகப் பகுதிக்கு எடுக்க முடியாது.கடந்த, 1979ம் ஆண்டு, நீர்மட்டத்தை, 136 அடியாக குறைத்து நிலைநிறுத்தியபோது, 5 டி.எம்.சி., தண்ணீர் மட்டுமே பயன்பட்டு வந்தது.

அந்த நேரத்தில், நீர்ப்பிடிப்பு பகுதியான தேக்கடி ஏரியின் கரையோரப் பகுதியில், கேரள வனத்துறையின் அனுமதியோடு, தனியார் தங்கும் விடுதிகள், நட்சத்திர ஓட்டல்கள் என மிகப் பெரிய கட்டடங்கள், ஆக்கிரமித்து கட்டப்பட்டன.ஓட்டுக்காக எதிர்ப்புகடந்த, 2014 மே 7ல், அணையின் நீர்மட்டத்தை, 142 அடியாக உயர்த்தலாம் என, உச்ச நீதிமன்றம் தீர்ப்பு வழங்கிய பின், நான்கு முறை நீர்மட்டம், 142 அடியை எட்டியது.

அப்போது, ஆக்கிரமிப்புகள் செய்த இடங்களை தண்ணீர் சூழ்ந்தது. மேலும், நீர்மட்டத்தை, 152 அடியாக உயர்த்தினால், ஆக்கிரமிப்பு கட்டடங்கள் அனைத்தும் மூழ்கும் நிலை இருந்தது. இவர்களைக் காப்பாற்றும் எண்ணத்தில், கேரளாவில் ஆளும் மார்க்சிஸ்ட் கட்சி உள்ளிட்ட பல்வேறு கட்சியினரும், தற்போதைய அணை பலவீனமாக உள்ளதாகக் கூறி, நீர்மட்டத்தை உயர்த்துவதற்கு எதிர்ப்பு தெரிவித்து வருகின்றனர்.

இதற்காகவே, அம்மாநில அரசு, புதிய அணை என்ற திட்டத்தையும் கையில் எடுத்து, காய் நகர்த்தி வருகிறது. 25 சதவீதம் ஆக்கிரமிப்புதமிழக அனைத்து விவசாய சங்கங்களின் ஒருங்கிணைப்புக் குழுவின் மதுரை மண்டல செயலர் திருப்பதிவாசகன் கூறியதாவது: கேரளாவில் சட்டசபை தேர்தல் வர உள்ளது. ஆளுங்கட்சிக்கு பல பிரச்னைகள் வந்துள்ளன.

இதை திசை திருப்பவே, கொல்லம் பிரேமசந்திரன் எம்.பி., வழக்கறிஞர் ரசூல் ராய் போன்றவர்கள், புதிய அணை திட்டத்தை கையில் எடுத்துள்ளனர்.அணை நீர்ப்பிடிப்பில் உள்ள ஆக்கிரமிப்புகளை அகற்றி, நீர்மட்டத்தை, 152 அடி உயர்த்துவதற்கான நடவடிக்கையில், தமிழக அரசு தீவிரம் காட்ட வேண்டும்.இவ்வாறு, அவர் கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X