சூலுார்:ராவத்துார் தடுப்பணையில் இருந்து பெரிய குளத்துக்கு தண்ணீர் திருப்பி விடப்பட்டுள்ளது. அதே நேரத்தில் சின்னக்குளத்துக்கு சென்ற தண்ணீர் தடுக்கப்பட்டது.சூலுார் அடுத்த ராவத்துார் தடுப்பணையில் இருந்து, சூலுார் பெரிய குளத்துக்கு தண்ணீர் திருப்பி விடப்பட்டுள்ளது. கடந்த இரு நாட்களாக வரும் நீரால், குளத்தின் நீர்மட்டம் உயர்ந்துள்ளது. இதனால், சின்னக்குளத்துக்கு ஷட்டர் வழியாக தண்ணீர் கசிந்தது.சின்னக்குளத்தில் கரைகளை பலப்படுத்தும் வகையில், கான்கிரீட் தடுப்பு சுவர் கட்டும் பணி நடக்கிறது. பணிகளுக்கு பாதிப்பு ஏற்படும் என்பதால், சின்னக்குளத்துக்கு தண்ணீர் செல்லாதவாறு பராமரிப்பு பணிகள் நடந்தன. பொதுப்பணித் துறை ஊழியர்கள், மீனவர்கள், தண்ணீர் செல்லாத வகையில் ஷட்டரை அடைத்தனர்.