அரசியல் செய்தி

தமிழ்நாடு

கவர்னருடன் ஸ்டாலின் சந்திப்பு

Added : நவ 25, 2020 | கருத்துகள் (1)
Share
Advertisement
சென்னை:ராஜிவ் கொலை குற்றவாளிகள் பேரறிவாளன் உட்பட ஏழு பேரை விடுதலை செய்ய வலியுறுத்தி கவர்னர் பன்வாரிலால் புரோஹித்திடம் தி.மு.க. தலைவர் ஸ்டாலின் கடிதம் அளித்தார்.சென்னை கிண்டி ராஜ்பவனில் கவர்னர் பன்வாரிலால் புரோஹித்தை ஸ்டாலின் சந்தித்தார். அப்போது தி.மு.க. நிர்வாகிகள் துரைமுருகன் , பொன்முடி ,ஆர்.எஸ்.பாரதி, டி.கே.எஸ். இளங்கோவன்,தயாநிதி மாறன் ஆகியோர்

சென்னை:ராஜிவ் கொலை குற்றவாளிகள் பேரறிவாளன் உட்பட ஏழு பேரை விடுதலை செய்ய வலியுறுத்தி கவர்னர் பன்வாரிலால் புரோஹித்திடம் தி.மு.க. தலைவர் ஸ்டாலின் கடிதம் அளித்தார்.

சென்னை கிண்டி ராஜ்பவனில் கவர்னர் பன்வாரிலால் புரோஹித்தை ஸ்டாலின் சந்தித்தார். அப்போது தி.மு.க. நிர்வாகிகள் துரைமுருகன் , பொன்முடி ,ஆர்.எஸ்.பாரதி, டி.கே.எஸ். இளங்கோவன்,தயாநிதி மாறன் ஆகியோர் உடனிருந்தனர்.நிருபர்களிடம் ஸ்டாலின் கூறியதாவது:பேரறிவாளன் உட்பட ஏழு பேரை உடனே விடுதலை செய்ய வலியுறுத்தினோம். விடுதலை விவகாரத்தில் பரிசீலித்து முடிவு செய்வதாக கவர்னர் கூறினார்.கவர்னருடன் வேறு விஷயங்களும் பேசினோம். அதை வெளியில் சொல்ல முடியாது.இவ்வாறு அவர் கூறினார்.


'டங் சிலிப்' பேட்டி



கவர்னரை சந்தித்த பின் நிருபர்களிடம் ஸ்டாலின் கூறுகையில் ''பேரறிவாளன் உட்பட ஏழு பேரை விடுதலை செய்ய வேண்டும் என வலியுறுத்தி இருக்கிறோம். சட்டரீதியாக மனிதாபிமானமற்ற முறையில் இதற்கு கவர்னர் முடிவெடுக்க வேண்டும் '' என்றார்.அதாவது 'மனிதாபிமான முறையில்' என சொல்வதற்கு பதிலாக 'மனிதாபிமானமற்ற முறையில்' என தவறாக உச்சரித்தார். இந்த வீடியோ பதிவு சமூக வலைதளங்களில் விமர்சனத்தை ஏற்படுத்தியது.

அதேபோல் தேனி மாவட்ட தி.மு.க. பொறுப்பாளர் தங்கதமிழ்செல்வன் நிருபர்களிடம் கூறுகையில் ''உதயநிதி தேர்தல் பிரசாரத்தை துவக்கி உள்ளார். அவரது பயணம் வெற்றிக ரமாக முடியும். இந்த தேர்தலில் தி.மு.க. படுதோல்வியை சந்திக்கும்'' என்றார்.அ.தி.மு.க., எனச் சொல்வதற்கு பதிலாக தி.மு.க., எனக் கூறிவிட்டார். தங்கதமிழ்செல்வனின் பேச்சும் சமூக வலைதளங்களில் பரவி நகைச்சுவைக்கு உள்ளானது.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Baskar - Paris,பிரான்ஸ்
25-நவ-202003:40:57 IST Report Abuse
Baskar ஸ்டாலினுக்கு சொல்லி கொடுப்பவர்கள் சரியாக சொல்லி கொடுக்க மாட்டேன்கிறார்கள். இவர்கள் கவர்னரை பார்க்க சென்றது அந்த 7 பேர் விடுதலைக்கு. இவர்கள் எண்ணம் என்னவென்றால் இவர்களுக்கு முன் முதலில் முதல்வர் சந்திப்பதாக இருந்தது. கடைசியில் நிறுத்தப்பட்டது. உடனே மறுநாள் இவர்கள் ஓடினார்கள் . கவர்னரை பார்த்தார்கள் பேசினார்கள் முடிந்து விட்டது. ஆனால் அவர்கள் எதிர்பார்த்தது முதல்வர் மீண்டும் கவர்னரை சந்திப்பார் முடிவு சரியில்லை என்றால் 7.5 சதவிகிதம் போல் இதற்கும் ஒரு அவசர சட்டம் முதல்வர் போடுவார் என்று நினைத்தனர். ஆனால் புயல் வந்து கெடுத்து விட்டது. கவர்னரும் கொஞ்சம் பெரு மூச்சு விட்டார். மறுபடி இவர்கள் திட்டத்தை நினைத்தால் தான் சிரிப்பு வரும். நாங்கள் பொய் ஆளுநரை பார்த்ததால் தான் அந்த 7 பெரும் விடுதலையாக்கினார் என்று கோஷம் போடலாம் என்று போட்ட கணக்கு பொய் விட்டது புயலில்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X