பொது செய்தி

தமிழ்நாடு

இது உங்கள் இடம்: காங்.,குக்கு இருக்கிறதா தன்மானம்?

Updated : நவ 26, 2020 | Added : நவ 25, 2020 | கருத்துகள் (68)
Share
Advertisement
உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம் :ஆர்.சுப்பிரமணியம், சென்னையிலிருந்து அனுப்பிய, 'இ - மெயில்' கடிதம்: மேடையில், அநாகரிகமாக பேசுவதில், தி.மு.க.,வினரை, வேறு எந்தக் கட்சியினராலும் வெற்றி கொள்ள முடியாது. தி.மு.க.,வினரின் பேச்சை, 'அநாகரிகம்' என்பதை விட, 'தரம் தாழ்ந்த' என்று குறிப்பிடுவதே, சரியாக இருக்கும்.'நாம், யாரை
Congress,dmk,காங்கிரஸ்,திமுக


உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம் :



ஆர்.சுப்பிரமணியம், சென்னையிலிருந்து அனுப்பிய, 'இ - மெயில்' கடிதம்: மேடையில், அநாகரிகமாக பேசுவதில், தி.மு.க.,வினரை, வேறு எந்தக் கட்சியினராலும் வெற்றி கொள்ள முடியாது. தி.மு.க.,வினரின் பேச்சை, 'அநாகரிகம்' என்பதை விட, 'தரம் தாழ்ந்த' என்று குறிப்பிடுவதே, சரியாக இருக்கும்.'நாம், யாரை விமர்சிக்கிறோம்; நம் தகுதி, தராதரம் என்ன?' போன்ற எது குறித்தும், தி.மு.க.,வினர் கிஞ்சித்தும் சிந்திக்க மாட்டார்கள்.

காங்கிரஸ் தலைவர்களான ஜவஹர்லால் நேரு, அவரது மகள் இந்திரா, ராஜிவ், சோனியா என, அவர்கள் வம்சத்தை, தி.மு.க.,வினர் போல, வேறு யாரும் தரம் தாழ்ந்து, அநாகரிகமாக பேசியதே இல்லை. எவ்வளவு கேவலப்படுத்தினாலும், தி.மு.க., உடன் கூட்டணி வைக்கும், காங்கிரசாரின், 'தன்மானத்தை' பாராட்டாமல் இருக்க முடியாது.

'அவள் ஒன்றும், படிதாண்டா பத்தினியுமல்ல; நான் ஒன்றும், முற்றும் துறந்த முனிவனுமல்ல' என்பது, ஒரு நடிகையை குறித்து, தி.மு.க.,வை தோற்றுவித்த அண்ணாதுரை பேசிய விமர்சனம். தலைவன் எவ்வழியோ, தொண்டனும் அவ்வழியே!

நாக்கில் நரம்பில்லாமல், நடிகையை தரங்கெட்டு விமர்சித்தோர், காங்கிரசின் தலைவியை விமர்சித்த விதம் கேட்டால், கொதித்து எழுவீர்.கடந்த, 1979 அக்டோபரில், மதுரையில், முன்னாள் பிரதமர் இந்திரா பங்கேற்ற பொதுக் கூட்டத்திற்கு, பழ.நெடுமாறன் ஏற்பாடு செய்திருக்கிறார்.அவசர நிலை அறிவித்து, ஆட்சியைக் கலைத்த, இந்திராவிற்கு எதிர்ப்பு தெரிவித்து, கருப்புக் கொடி காட்ட, தி.மு.க.,வினர் திட்டமிட்டிருந்தனர்.


latest tamil news



தி.மு.க.,வின் போராட்டம் என்றால், அதில் அசம்பாவிதம் நடக்காமல் இருந்தால் தான் ஆச்சரியம். கொடிகளே, குண்டாந்தடிகளாகும்; பேன்ட் பாக்கெட்டுகளில், கணிசமான அளவில் கற்கள் நிறைந்திருக்கும்.'கருப்புக் கொடி காட்டுகிறோம்' என்ற, தி.மு.க.,வினர், இந்திராவின் மீது கல் வீசி தாக்கினர்; இதனால், அவர் நெற்றியில் காயம் பட்டு, ரத்தம் வழிந்தது. கல் வீச்சு குறித்து, காங்கிரசார், தி.மு.க.,வினரை கடுமையாக விமர்சனம் செய்தனர். பதிலுக்கு, 'இந்திராவிற்கு, மாத விடாயாக இருக்கும்; அதனால் வந்த ரத்தம் போலிருக்கிறது' என, விஷத்தை கக்கினார், கருணாநிதி.

நம் நாட்டின் பிரதமராக, ஒரு மாபெரும் அரசியல் கட்சி தலைவராக இருந்த பெண்மணியை பார்த்து செய்யும் விமர்சனமா இது? கருணாநிதியின் குடும்பப் பெண்கள் குறித்து, காங்கிரசார் அநாகரிகமாக பேச மாட்டார்கள் என்ற தைரியம் அவருக்கு!இவ்வளவு கேவலமாக, அநாகரிகமாக, தரம் தாழ்ந்த, ஓர் அரசியல் கட்சித் தலைவரின் வாரிசைத் தான், 'முதல்வர் ஆக்கியே தீருவோம்' என, 'தன்மானம்' மிக்க, காங்கிரசார் இன்று குரல் கொடுக்கின்றனர்.

பதவிக்காக, தி.மு.க.,வினரிடம் நெடுஞ்சாண் கிடையாக விழுந்துக் கிடக்கும் காங்கிரசாரின், 'கொள்கை'யை என்னவென்று சொல்வது?பதவிக்காக பல் இளிக்கும் அரசியல் கட்சிகளுக்கு தான் வெட்கம், மானம், சூடு, சுரணை எதுவும் கிடையாது; ஆனால், அவை நமக்கு இருக்கின்றனவே!

Advertisement




வாசகர் கருத்து (68)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Dr.T.Senthilsigamani - Srivilliputtur,இந்தியா
26-நவ-202005:47:55 IST Report Abuse
Dr.T.Senthilsigamani .இது உங்கள் இடம்: காங்.,குக்கு இருக்கிறதா தன்மானம்?மிக நல்ல கட்டுரை .உண்மை தான் .அநாகரிக பேச்சை தமிழகத்தில் அறிமுகம் செய்தவர் மறைந்த கருணாநிதி தான் .அதில் எள்ளளவு கூட சந்தேகம் வேண்டாம் .அவரின் அநாகரிக பேச்சுக்களின் சில துளிகள் இதோ - கன்னிப் பெண்களின் தோள்களில் கை போட்டு, களிப்படைகிறார் காந்தி' என்று, தேச பிதா காந்தியை கூட கருணாநிதி கதைத்தது.அனைவரும் அறிந்தது தான் 'நேருவோ மனைவியை இழந்தவர் சிரிமாவோ பண்டாரநாயகவோ கணவனை இழந்தவர். இவ்விருவரும், இரண்டு மணி நேரம் அப்படி என்ன பேசினர் உடன்பிறப்பே?' என்று கருணாநிதி கேட்டது வரலாற்று செய்தி .சண்டாளி, சதிகாரி, சர்வாதிகாரி, ஹிட்லர், முசோலினி, பேய், பிசாசு, பூதகி என்றெல்லாம், இந்திராவை வசைபாடியது. அண்டங்காக்கா, காண்டாமிருகத் தோலர், எருமைத் தோலர், பனை ஏறி, மரமேறி, கட்டப்பீடி என, காமராஜரை, ஒருமையில் ஏசியது.நடிகன், காத்தாடி, கிழவன், அரிதாரம் பூசும் கோமாளி, மலையாளி என, எம். ஜி. ஆரை, ஏகடியமாடியது எல்லாம் சாட்சாத் மறைந்த கருணாநிதி தான் 'காவிரி, தென்பெண்ணை, பாலாறு மூப்பனார் மூளையில் கோளாறு' என, இடித்துரைத்தது.'ஐஸ் ப்ரூட் சம்பத், வாழப்பாடி ஒரு வழிப்போக்கன் செவிடன் ஜீவானந்தன் நொட்டி பா.ராமமூர்த்தி கக்கன் என்ன கொக்கா?குல்லுகபட்டர் ராஜகோபாலச்சாரி கைபர் கணவாய் வழி வந்த வந்தேரி ஆர்.வெங்கட்ராமன் குரங்கன் பக்தவத்சலம் துரோகி பண்ருட்டி ராமச்சந்திரன் சீமான் வீட்டு கன்றுக்குட்டி, சின்னப்பையன், ஈ, எறும்பு, கொசு, தத்துப் போன, 'ஓசி' பணக்காரன் ப.சிதம்பரம் பண்டாரம், கமண்டலம், காவி உடை, ஆக்டோபஸ், விஷ ஜந்துக்கள், கூனை நிமிர்த்த முடியாத ஒட்டகங்களான வாஜ்பாய்கள், அத்வானிகள், இல.கணேசன்கள் என, நாகரிகம் சிறிதுமின்றி,பேசியவர் மறைந்த கருணாநிதி தான் .அதோடு, 'ராஜிவ் போல, நான் ஒன்றும் வெளிநாட்டுக்காரியை கல்யாணம் செய்யவில்லை சோனியா வெளிநாட்டுக்காரி' என்று, வி.பி.சிங்குடன் பீகார், பாட்னாவில் தேர்தல் பிரசாரத்தில், கருணாநிதி கூறியது, தமிழக காங்கிரசார் நினைவிலும் இருக்கும்.'காந்தாரி, கவுதாரி, சூர்ப்பனகை ஜெ (ஜெயலலிதா ) கள்ளத்தோணி, கலிங்கப்பட்டி களிமண், துருப்பிடித்த வாள், குளத்தை விட்டு ஓடிய மீன் தான், வைகோ மரம் வெட்டி, நாவடக்கம் இல்லாதவர், தடித்த நாக்கர் ராமதாஸ் இறுமாப்பு இளங்கோவன் பல ரவுண்ட் போடுவார் ஸ்டண்ட் நடிகர் விஜயகாந்த்' என, கருணாநிதி பேசியதும், எல்லாருக்கும் நினைவுக்கு வருகிறது.இவரையும் இவரின் வாரிசுகளையும் இன்னமும் நம்பும் உளுத்தம்பருப்புகளை சாரி உடன்பிறப்புகளை நினைத்தால் தான் பாவமாக உள்ளது .
Rate this:
Cancel
ramani - dharmaapuri,இந்தியா
26-நவ-202005:10:53 IST Report Abuse
ramani No self respect for congress. Before indepence, congress worked for people's welfare and after indepence working for their earnings. Shameless congress.
Rate this:
Cancel
J.V. Iyer - Singapore,சிங்கப்பூர்
26-நவ-202003:39:52 IST Report Abuse
J.V. Iyer சைக்கிள் செயின், சோடா பாட்டில் என்றாலே நினைவுக்கு வருவது திமுகதான். இது அவர்கள் கலாச்சாரத்தின் சின்னம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X