சேலம்: சேலம் கலெக்டர் அலுவலகத்தில், எரிவாயு நுகர்வோர், மாதாந்திர குறைதீர் கூட்டம், நேற்று நடந்தது. மாவட்ட வழங்கல் அலுவலர் அமுதன் தலைமை வகித்தார். அதில், எரிவாயு மானியத்தை, நுகர்வோர் விரும்பும் வங்கியில், வரவு வைத்து தர வேண்டும்; 'டெலிவரி' செய்யும்போது, காஸ் சிலிண்டர் எடையை சரிபார்த்து வினியோகிக்க வேண்டும்; காஸ் கட்டண ரசீதில், ஒவ்வொரு முறையும் மானியத்தொகையை குறிப்பிட வேண்டும்; நிர்ணயித்த விலையை கூட, 'டெலிவரி' பெயரில் கூடுதல் கட்டணம் வசூலிக்கக்கூடாது என்பன உள்ளிட்ட பல்வேறு கோரிக்கைகள் வலியுறுத்தப்பட்டன. எண்ணெய் நிறுவன அதிகாரிகள், காஸ் வினியோக முகவர்கள், தன்னார்வ அமைப்பினர் பங்கேற்றனர்.