கரூர்: கரூர் நகராட்சி ஊழியர், புது மாப்பிள்ளை ஆகியோர் தற்கொலை செய்து கொண்டனர். கரூர் வ.உ.சி., தெருவை சேர்ந்தவர் ஜெயபால், 41; நகராட்சி அலுவலகத்தில், உதவியாளராக பணியாற்றி வந்தார். இவருக்கு கடந்த இரண்டு ஆண்டுகளுக்கு முன், சர்க்கரை நோய் ஏற்பட்டுள்ளது. இதனால், மனமுடைந்த அவர், நேற்று முன்தினம், வீட்டில் தூக்கிட்டு தற்கொலை செய்து கொண்டார். கரூர் டவுன் போலீசார் விசாரிக்கின்றனர்.

* கரூர் அருகே பாகநத்தம் பகுதியை சேர்ந்த, முருகேசன் மகன் சரவணன், 21; டெய்லர். இவருக்கு, இரண்டரை மாதங்களுக்கு முன், சுந்தர பாண்டியம்மாள், 20, என்ற பெண்ணுடன் திருமணம் நடந்தது. இந்நிலையில், நேற்று முன்தினம் மதியம், வீட்டில் சரவணன் தூக்கிட்டு தற்கொலை செய்து கொண்டார். தான்தோன்றிமலை போலீசார் விசாரிக்கின்றனர்.