அரசியல் செய்தி

தமிழ்நாடு

தி.மு.க., நிர்வாகியின் மிரட்டல் பேச்சு ரவுடித்தனம் பெருகும் என மக்கள் பீதி

Added : நவ 27, 2020 | கருத்துகள் (9)
Share
Advertisement
சென்னை:தி.மு.க., இளைஞரணி செயலர் உதய நிதியின் மிரட்டல் பேச்சை தொடர்ந்து, திருவள்ளூர் கிழக்கு மாவட்ட பொறுப்பாளரின் மிரட்டல் பேச்சு, சமூக வலைதளங்களில் வேகமாக பரவி, பொதுமக்களை முகம் சுளிக்க வைத்துள்ளது. வரும் சட்டசபை தேர்தலுக்கு, தமிழக அரசியல் கட்சிகள் ஆயத்தமாகி உள்ளன. 'விடியலை நோக்கி ஸ்டாலின் குரல்' என்ற கோஷத்துடன், தி.மு.க., தரப்பில் இருந்து, 20 முக்கிய நிர்வாகிகள்

சென்னை:தி.மு.க., இளைஞரணி செயலர் உதய நிதியின் மிரட்டல் பேச்சை தொடர்ந்து, திருவள்ளூர் கிழக்கு மாவட்ட பொறுப்பாளரின் மிரட்டல் பேச்சு, சமூக வலைதளங்களில் வேகமாக பரவி, பொதுமக்களை முகம் சுளிக்க வைத்துள்ளது.

வரும் சட்டசபை தேர்தலுக்கு, தமிழக அரசியல் கட்சிகள் ஆயத்தமாகி உள்ளன. 'விடியலை நோக்கி ஸ்டாலின் குரல்' என்ற கோஷத்துடன், தி.மு.க., தரப்பில் இருந்து, 20 முக்கிய நிர்வாகிகள் தேர்தல் பிரசாரத்தில் ஈடுபட்டுஉள்ளனர்.

சமீபத்தில், நாகப்பட்டினம் மாவட்டத்தில் சுற்றுப்பயணம் செய்த, தி.மு.க., இளைஞரணி செயலர் உதயநிதி, கட்சி நிர்வாகிகளிடம் பேசுகையில், 'அவரு தான், ஸ்பெஷல் டி.ஜி.பி., ராஜேஷ் தாஸ்; பேரெல்லாம் ஞாபகம் வச்சிருப்போம்; இன்னும் ஐந்து மாதம் தான் இருக்கு. எங்களுக்கு தெரியாத காவல் துறையா; நாங்க பார்க்காத காவல்துறையா...' என, மிரட்டல் விடுத்து பேசினார்.

இந்த சர்ச்சைக்குரிய பேச்சு, சமூக வலைதளங்களில் பரவி, போலீஸ் துறையில் மட்டுமின்றி, அனைத்து அரசு துறைகளின் அதிகாரிகள் மத்தியிலும், கடும் அதிருப்தியை ஏற்படுத்தி உள்ளது. இந்நிலையில், திருவள்ளூர் கிழக்கு மாவட்ட தி.மு.க., நிர்வாகிகள் ஆலோசனை கூட்டம், பொன்னேரியில் நடந்தது. அந்த கூட்டத்தில், உதயநிதி பாணியில், மாவட்ட பொறுப்பாளர் டி.ஜே.கோவிந்தராஜன் பேசியுள்ளார்.

அவரது பேச்சு விபரம்:தி.மு.க., ஆட்சிக்கு வந்தால், நாம் சொல்பவர் தான் தாசில்தார்; வட்டார வளர்ச்சி அதிகாரி. நாங்கள் கை காட்டுபவர்கள் தான், சப் - இன்ஸ்பெக்டர், இன்ஸ்பெக்டர், டி.எஸ்.பி.,யாக நியமிக்கப்படுவர்.தொண்டர்களுக்கு என்ன பிரச்னையாக இருந்தாலும், நாம் போட்ட அதிகாரிகள் தான்; அவர்கள் நமக்காக செயல்படுவர்.இவ்வாறு, அவர் பேசினார்.அவரது பேச்சை, தி.மு.க., தொண்டர்கள் விசில் அடித்து வரவேற்றுள்ளனர்.

ஆனால், பொது மக்கள் முகம் சுளித்தனர். தி.மு.க., ஆட்சிக்கு வரும் முன், உதயநிதி பாணியில், மாவட்ட பொறுப்பாளரின் சவடால் பேச்சு, பொதுமக்களை மிரள வைத்துள்ளது. இதனால், 'தி.மு.க.,வில், மேல்மட்டம் முதல் கீழ்மட்டம் வரை உள்ள நிர்வாகிகள், இப்போதே மிரட்டல் விடும் வகையில் பேசுகின்றனர்.'இவர்கள் ஆட்சிக்கு வந்தால், மோசமான நிர்வாகம் தான் நடக்கும்; நேர்மையான நிர்வாகம் நடக்காது; ரவுடித்தனம் பெருகிவிடும்' என, சமூக வலைதளங்களில், பொதுமக்கள் விமர்சித்து வருகின்றனர்.

Advertisement


வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தமிழவேல் - முகப்பேர் மேற்கு ,இந்தியா
27-நவ-202023:36:30 IST Report Abuse
தமிழவேல் கோர்ட்டருக்கும் பிரியாணி பொட்டலத்துக்கும் வந்த கும்பல்கள் மத்தியில் பேசுவதில் எந்த பாதகமும் இல்லை.
Rate this:
Cancel
தமிழவேல் - முகப்பேர் மேற்கு ,இந்தியா
27-நவ-202023:33:45 IST Report Abuse
தமிழவேல் இப்போ அதுதானே நடக்குது ?
Rate this:
Cancel
Marai Nayagan - Chennai,இந்தியா
27-நவ-202013:57:24 IST Report Abuse
Marai Nayagan திமுக கட்சியினர் வட்டசெயலாளர் முதல் மாவட்ட தலைவர் வரை அரசு ஊழியர்கள் மற்றும் போலீசாரை மிரட்டி தங்கள் குற்றச்செயலுக்கு நில அபகரிப்புக்கு அடிபணிய செய்வான். இதனாலேயே தமிழக மக்கள் பெரும்பாலான தேர்தல்களில் அதிமுக்க வாக்கு அளித்துஉள்ளனர். திமுக ஆட்சிக்கு வந்தால் தமிழ்நாட்டை ஆண்டவனால் கூட காப்பாற்ற இயலாது .... டாஸ்மாக் தமிழன் இதைப்பற்றியெல்லாம் சிந்துக்கும் அளவிற்கு இப்போது இல்லை. அவனை பொறுத்தவரை ஒரு குவார்ட்டர் ஒரு காக்க பிரியாணி வேண்டும் அவ்வளவே ....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X