காரைக்கால் : பைக் மீது வேன் மோதியதில் வாலிபர் இறந்தார்.

நாகை மாவட்டம், கீழ்வேளூர், மாதா கோவில் வீதியை சேர்ந்தவர் வீரமணி மகன் அன்புச்செல்வன்,30; இவர் நேற்று முன்தினம் நிரவியில் உள்ள தனது மனைவியை பார்த்துவிட்டு வீட்டிற்கு பைக்கில் புறப்பட்டார். நிரவி சாலையில் சென்றபோது, எதிரே நாகையில் இருந்த மீன் ஏற்றி வந்த டிஎன்-51-எச்-3956 பதிவெண் கொண்ட வேன் கட்டுப்பாட்டை இழந்து, மோதியது.அதில் படுகாயமடைந்த அன்புச்செல்வனை அங்கிருந்தவர்கள் மீட்டு அரசு மருத்துவமனையில் சேர்த்தனர். அங்கு அவர் இறந்தார்.திருப்பட்டினம் போக்குவரத்து போலீசார் வழக்கு பதிந்து விசாரித்து வருகின்றனர்.