ஊட்டி:கார்த்திகை தீப திருநாளை கொண்டாடும் வகையில், ஊட்டி நகரின் பல பகுதிகளில் பல வடிவங்களில் அகல் விளக்குகள் விற்பனை செய்யப்படுகின்றன.கார்த்திகை தீப திருநாள், நாளை கொண்டாடப்படுகிறது. இந்நிலையில், ஊட்டியில், மார்க்கெட், மெயின்பஜார், ஏ.டி.சி., பஸ் ஸ்டாண்ட் உள்ளிட்ட பிரதான இடங்களில், அகல் விளக்குகள் விற்பனையில் வியாபாரிகள் ஈடுபட்டுள்ளனர்.'சுட்டி' விளக்கு முதல், ஐந்து முக விளக்கு, கடவுளர்களுடன் கூடிய விளக்கு, அழகிய வேலைப்பாடுகளுடன் கூடிய சரவிளக்கு என, பல வடிவங்களில் விளக்குகள் விற்பனைக்கு வைக்கப்பட்டுள்ளன.10 ரூபாய் முதல், அகல் விளக்குக்கு ஏற்றார்போல் விற்பனை செய்யப்படுகின்றன.