தர்மபுரி: தர்மபுரி அடுத்த அன்னசாகரம், அங்காளம்மன் தாண்டேஸ்வரர் கோவிலில், நேற்று சுவாமிக்கு கண் திறப்பு விழா நிகழ்ச்சி நடந்தது. தர்மபுரி அடுத்த அன்னசாகரம் தண்டுபாதை தெருவில், அங்காளம்மன் தாண்டேஸ்வரர் சுவாமி கோவில் புதியதாக கட்டப்பட்டது. நேற்று காலை, 6:00 மணிக்கு, கணபதி ஹாமம் மற்றும் யாகசாலை பூஜை நடந்தது.? தொடர்ந்து, சுவாமிக்கு பால், தயிர், பன்னீர், சந்தனம், இளநீர், குங்குமம் உள்ளிட்ட, 16 வகையான பொருட்களால் சிறப்பு அபிஷேகம் செய்யப்பட்டது. பின், காலை, 8:00 மணிக்கு, அங்காளம்மன் தாண்டேஸ்வரர் சுவாமிகளுக்கு, சிறப்பு அலங்காரம் செய்யப்பட்டு, மஹா தீபாராதனை நடந்தது. காலை, 9:00 மணிக்கு, சுவாமிக்கு கண் திறப்பு விழா நிகழ்ச்சி நடந்தது. இதையடுத்து, சுவாமி திருவீதி உலா நடந்தது. நிகழ்ச்சியில் அன்னசாகரத்தை சேர்ந்த பக்தர்கள் பலர் கலந்து கொண்டு சுவாமி தரிசனம் செய்தனர். விழா ஏற்பாடுகளை, ஊர்மக்கள் மற்றும் விழாக்குழுவினர் செய்திருந்தனர்.