பொது செய்தி

இந்தியா

டில்லிக்குள் நுழைய மறுத்த விவசாயிகள்: எல்லையில் போராட்டம்

Updated : நவ 30, 2020 | Added : நவ 28, 2020 | கருத்துகள் (9)
Share
Advertisement
புதுடில்லி : போராட்டம் நடத்த வடக்கு டில்லியில் இடம் ஒதுக்கப்பட்டும், டில்லிக்குள் நுழையாமல், பஞ்சாப் விவசாயிகள், எல்லையில் போராட்டத்தில் ஈடுபட்டுள்ளனர். மத்திய அரசு சமீபத்தில் அமல்படுத்தியுள்ள வேளாண் சட்டங்களுக்கு, பஞ்சாப் உட்பட சில மாநில விவசாயிகள் எதிர்ப்பு தெரிவித்து வருகின்றனர். தங்கள் கோரிக்கைகளை வலியுறுத்தி, 'டில்லி சலோ' என்ற பெயரில், டில்லிக்கு
Farmers Protest, Delhi, Government, Farmers

புதுடில்லி : போராட்டம் நடத்த வடக்கு டில்லியில் இடம் ஒதுக்கப்பட்டும், டில்லிக்குள் நுழையாமல், பஞ்சாப் விவசாயிகள், எல்லையில் போராட்டத்தில் ஈடுபட்டுள்ளனர்.

மத்திய அரசு சமீபத்தில் அமல்படுத்தியுள்ள வேளாண் சட்டங்களுக்கு, பஞ்சாப் உட்பட சில மாநில விவசாயிகள் எதிர்ப்பு தெரிவித்து வருகின்றனர். தங்கள் கோரிக்கைகளை வலியுறுத்தி, 'டில்லி சலோ' என்ற பெயரில், டில்லிக்கு பேரணியாகச் சென்று போராட்டம் நடத்தப் போவதாக, பஞ்சாப் விவசாய சங்கங்கள் கூட்டமைப்பு அறிவித்திருந்தது.

அதன்படி, பஞ்சாபில் இருந்து விவசாயிகள் பேரணியாக புறப்பட்டனர். ஹரியானா எல்லையில், நேற்று முன்தினம் அவர்கள் தடுத்து நிறுத்தப்பட்டனர். சாலை தடுப்புகளை துாக்கி வீசி, தடைகளை மீறி பேரணி நடத்த முயன்றனர். இதையடுத்து, போலீசார் கண்ணீர் புகை குண்டுகளை வீசியும், தண்ணீரை பீய்ச்சி அடித்தும், விவசாயிகளை தடுத்து நிறுத்த முயன்றனர்.அப்போது சில இடங்களில், போலீசார் மீது, விவசாயிகள் கற்களை வீசினர். இதனால், பெரும் பரபரப்பு ஏற்பட்டது.

இந்நிலையில், டில்லியில் போராட்டத்தில் ஈடுபட, விவசாயிகளுக்கு அனுமதி வழங்கப்பட்டது. வடக்கு டில்லியில் உள்ள நிராங்கரி மைதானத்தில் போராட்டத்தை நடத்த, டில்லி போலீசார் அனுமதி வழங்கினர்.மேலும், டிச., 3ம் தேதி பேச்சு நடத்த வரும்படி, விவசாய சங்கங்கள் பிரதிநிதிகளுக்கு, மத்திய அரசும் அழைப்பு விடுத்துஉள்ளது.ஆனால், டில்லிக்குள் நுழையாமல், டில்லியின் எல்லையில், சிங்கு மற்றும் டிக்ரியில் விவசாயிகள் நேற்று முகாமிட்டு, அங்கேயே போராட்டத்தில் ஈடுபட்டனர்.

இது குறித்து, விவசாயிகள் சங்கப் பிரதிநிதிகள் கூறியதாவது: ஜந்தர் மந்தர் பகுதி யில், அமைதியான முறையில் போராட்டத்தில் ஈடுபட அனுமதி கேட்டோம். ஆனால் மறுத்துவிட்டனர். தற்போது, வடக்கு டில்லியில் இடம் ஒதுக்கி உள்ளனர். மேலும், 50 பேர் குழுக்களாக செல்லும்படி கூறியுள்ளனர்; இது, விவசாயிகளை பிரிக்கும் முயற்சி. நாங்கள் ஒன்றாகத்தான் வந்தோம்.

பஞ்சாப் மற்றும் ஹரியானாவில் இருந்து, மேலும் பல விவசாயிகள் இந்தப் பேரணி மற்றும் போராட்டத்தில் பங்கேற்க உள்ளனர்.அதனால், டில்லி எல்லையிலேயே நாங்கள் முகாமிட்டுள்ளோம். அடுத்தக்கட்ட நடவடிக்கைகள் குறித்து பேசி வருகிறோம். இவ்வாறு, அவர்கள் கூறினர்.


பேச்சு நடத்த தயார்: அமித் ஷா

பா.ஜ., மூத்த தலைவரும், மத்திய உள்துறை அமைச்சருமான அமித் ஷா, நேற்று வெளியிட்டுள்ள, 'வீடியோ'வில் கூறியுள்ளதாவது:போராட்டத்தில் ஈடுபட்டுள்ள விவசாய சங்கங்களுடன், டிச., 3ம் தேதி பேச்சு நடத்த தயாராக உள்ளோம்.அதற்கு முன்னதாகவே பேச்சு நடத்த விரும்பினால், அதற்கும் தயார்.

ஆனால், அரசு நிர்ணயித்துள்ள இடத்துக்கு போராட்டத்தை மாற்ற வேண்டும். அவ்வாறு செய்த மறுநாளே பேச்சு நடத்துவோம். விவசாயிகளின் அனைத்து கோரிக்கைகள், அனைத்து பிரச்னைகள் குறித்தும் விவாதிக்க, அரசு தயாராக உள்ளது. இவ்வாறு, அதில் அவர் கூறியுள்ளார்.

Advertisement




வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
NicoleThomson - சிக்கநாயக்கனஹள்ளி , துமகூரு near blr,இந்தியா
29-நவ-202021:44:56 IST Report Abuse
NicoleThomson earlier in MP, Maharastra there was 50000 farmers attended a protest, later we all came to know about a kerala person called Vijoo kirshnan triggered and lead the protest,similarly at present who is behhind the scene?
Rate this:
Cancel
r.sundaram - tirunelveli,இந்தியா
29-நவ-202016:35:58 IST Report Abuse
r.sundaram போராட்டம் நடத்துங்கள் அதற்கும் இடம் தருகிறேன் என்று எந்த அரசு இதுவரை சொல்லி இருக்கிறது. இவர்கள் சொல்கிறார்கள், குளிர் காலம் ரோட்டில் இருக்காதீர்கள், மண்டபங்களை தருகிறேன் அதில் இருந்து போராட்டம் நடத்திடுங்கள் என்றால், கேட்பதில்லை. டிசம்பர் மூன்றாம் நாள் பேச்சுவார்த்தை நடத்தலாம் என்றும் அரசு சொல்கிறது. அரசு இவ்வளவு இரங்கி வந்தும் இவர்கள் கேட்க வில்லை என்றால் இவர்கள் உண்மையான விவசாயிகள் கிடையாது.
Rate this:
Cancel
sankar - Nellai,இந்தியா
29-நவ-202013:16:19 IST Report Abuse
sankar அரசியலாக்கப்பட்ட அருமையான சட்டம் - இதையும் தாண்டி வெல்வார் மோடி
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X