இது உங்கள் இடம் : அதெல்லாம் ஒரு காலம்!

Updated : நவ 29, 2020 | Added : நவ 29, 2020 | கருத்துகள் (14)
Share
Advertisement
உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம் :கு.காந்தி ராஜா, சென்னையிலிருந்து அனுப்பிய, 'இ - மெயில்' கடிதம் : காங்கிரஸ் என்ற தேசியக் கட்சி, இன்று மிகவும் பரிதாபமான நிலையில் இருக்கிறது. சமீபத்திய பீஹார் சட்டசபை தேர்தல் மற்றும் பல மாநிலங்களில் நடந்த இடைத் தேர்தல்களின் முடிவு, காங்கிரஸ் செல்லாக் காசாகிவிட்டது என்பதை எடுத்துக்

உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம் :

கு.காந்தி ராஜா, சென்னையிலிருந்து அனுப்பிய, 'இ - மெயில்' கடிதம் : காங்கிரஸ் என்ற தேசியக் கட்சி, இன்று மிகவும் பரிதாபமான நிலையில் இருக்கிறது. சமீபத்திய பீஹார் சட்டசபை தேர்தல் மற்றும் பல மாநிலங்களில் நடந்த இடைத் தேர்தல்களின் முடிவு, காங்கிரஸ் செல்லாக் காசாகிவிட்டது என்பதை எடுத்துக் காட்டியிருக்கிறது.



latest tamil news



பீஹாரில், ஆர்.ஜே.டி.,யுடன் கூட்டணி அமைத்து, 75 இடங்களில் போட்டியிட்ட காங்கிரஸ், வெறும், 19 இடங்களில் மட்டுமே வெற்றி பெற்றிருக்கிறது. உ.பி.யில் நடந்த, ஆறு சட்டசபை தொகுதிகளின் இடைத் தேர்தலில், காங்கிரஸ், ஒன்றில் கூட வெற்றி பெறவில்லை; நான்கு தொகுதிகளில், 'டிபாசிட்' பறி கொடுத்திருக்கிறது. ம.பி.,யில், 28ல், ஏழு தொகுதிகளிலும்;குஜராத்தில் எட்டுக்கு, பூஜ்யம்; கர்நாடகாவில் இரண்டுக்கு, பூஜ்யம்; தெலுங்கானாவில்ஒன்றுக்கு, பூஜ்யம்; மணிப்பூரில் ஐந்துக்கு, பூஜ்யம் என்பது தான், காங்கிரசின்,'வெற்றி' பட்டியல். இப்படி நாட்டின் வடக்கு, கிழக்கு, தெற்கு, மேற்கு, வடகிழக்கு என அனைத்து பகுதிகளிலும், காங்கிரஸ் பலத்த அடி வாங்கியிருக்கிறது. இந்த மாநிலங்கள் அனைத்திலும், பா.ஜ.,வே பெரும்பான்மையாக வெற்றி பெற்றிருக்கிறது.

காங்கிரசின் படுதோல்வி, அதன் தலைவர்களுக்குள் காரசாரமான விவாதத்தை தோற்றுவித்திருக்கிறது. காங்கிரசின் முன்னாள் மத்திய அமைச்சரான கபில் சிபல் உட்பட சிலர், உயர்மட்ட தலைமையை குறை கூறி வெளிப்படையாகவே அறிக்கை விட்டனர். அதோடு, இந்த தோல்வியின் எதிரொலியாக, வரும் தமிழக சட்டசபை தேர்தலிலும், தி.மு.க., கூட்டணியில், பேரம் பேசும் சக்தியை, காங்கிரஸ் முற்றிலுமாக இழந்து விட்டிருக்கிறது. இதனால், தமிழக காங்கிரஸ் கட்சி விவகாரங்களை கவனிக்கும், மேலிடப் பிரதிநிதியான தினேஷ் குண்டுராவ், 'கூட்டணியில் தொகுதி ஒதுக்குதல் தொடர்பாக, தி.மு.க.,விடம் எந்த பேரமும் பேச மாட்டோம்' எனக் கூறியுள்ளார். அதாவது, கொடுப்பதை பெற்றுக் கொள்வோம் என, சரணாகதி பத்திரத்தையே வாசித்து விட்டார். இது போன்றதொரு பரிதாப நிலை, காங்கிரசுக்கு என்றைக்கும் ஏற்பட்டதில்லை. கடந்த, 2011 தேர்தலின்போது, அறிவாலயத்தில், '2ஜி' ஊழல் தொடர்பாக, சி.பி.ஐ., சோதனை நடக்கும்போதே, அதே அலுவலகத்தின் மேல் தளத்தில், காங்கிரசுக்கு அபரிமிதமாக, 72 இடங்கள் அளித்து, கூட்டணி பேசி முடித்தார், கருணாநிதி.


latest tamil news




ஆனால், 2021 தேர்தலில், காங்கிரசுக்கு, 20 இடங்கள் அளித்தாலே அதிகம் என்ற நிலை ஏற்பட்டிருக்கிறது. காங்கிரசின் தலைமை பதவிக்கு சோனியாவும், ராகுலும் வந்தபின், தேச நலன், உண்மையான மதச்சார்பின்மை, மக்கள் நலன் போன்ற விஷயங்கள் எல்லாம் காற்றில் பறக்கவிடப்பட்டன. மத பயங்கரவாத மற்றும் மதவெறி பிடித்த அடிப்படைவாத சக்திகளிடம், காங்கிரஸ் சரணடைந்துள்ளது. கட்சியில், தன் குடும்ப நலன்களுக்கே முக்கியத்துவம் கொடுத்து வருகிறது. இதன் விளைவாகவே, காங்கிரஸ் இன்று இந்த மோசமான நிலைக்கு தள்ளப்பட்டிருக்கிறது. சுருக்கமாகச் சொன்னால், சுதந்திரத்திற்குப் பின் காங்கிரசை கலைத்து விடலாம் என்ற, மகாத்மா காந்தியின் விருப்பத்தை, சோனியாவும், ராகுலும் படிப்படியாக நிறைவேற்றி வருகின்றனர்.

Advertisement




வாசகர் கருத்து (14)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
mohankumar - Trichy,இந்தியா
29-நவ-202019:46:16 IST Report Abuse
mohankumar கில இந்திய கட்சியான காங்கிரஸுக்கே இந்த நிலைமைன்னா, அதை விட மோசமான திமுக கூடிய விரைவில் இந்த நிலைமைக்கு ஆளாகி இன்னும் ஐந்தாண்டுகளில் முழுமையுமாக அழியும்.
Rate this:
Cancel
KavikumarRam - Indian,இந்தியா
29-நவ-202018:24:18 IST Report Abuse
KavikumarRam அகில இந்திய கட்சியான காங்கிரஸுக்கே இந்த நிலைமைன்னா, அதை விட மோசமான திமுக கூடிய விரைவில் இந்த நிலைமைக்கு ஆளாகி இன்னும் ஐந்தாண்டுகளில் முழுமையுமாக அழியும்.
Rate this:
Cancel
r.sundaram - tirunelveli,இந்தியா
29-நவ-202016:04:08 IST Report Abuse
r.sundaram கழுத்தை தேய்ந்து கட்டெறும்பான கதைக்கு காங்கிரஸ் வந்ததென்றால் அதற்க்கு மிக முக்கியமான காரணம் மன்மோகன் ஆட்சி. அவர் தான் ஆளாமல் சோனியாவின் பினாமியாகவே செயல்பட்டார். அவர் தனது மூளைக்கு வேலையே கொடுக்க வில்லை. சோனியா சொன்னால் சரி என்று செயல்பட்டதால் காரணமே இன்று காங்கிரஸ் கட்சிக்கு இந்த நிலை. தான் வைத்துக்கொண்டிருந்த நிலக்கரி துறையிலேயே ஊழல் அவரால் தடுக்க முடிய வில்லை. இரண்டு ஜி ஊழலை அவரால் தடுக்க முடிய வில்லை, கமென் வெல்த் விளையாட்டில் ஊழல் வாதிகள் புகுந்து விளையாடினர் அவரால் தடுக்க முடிய வில்லை. இதன் தாக்கம் இன்னமும் மறைய வில்லை. வழக்குகள் நடந்து கொண்டிருக்கின்றன. பிறகு வந்த மோடி அரசின்மேல் காங்கிரஸ் கட்சியால் எந்த ஒரு குற்றச்சட்டும் சுமத்த முடிய வில்லை. காரணம் ஊழல் இல்லை. ஆதலால் இனிமேல் காங்கிரஸ் பிழைத்து ஏழுவதெல்லாம் நடக்காத காரியம். சோனியாவின் தலைமை காங்கிரஸ்சுக்கு காரியம் பண்ணி விட்டுத்தான் போகும் போலிருக்கிறது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X