டிரம்ப் தேர்தல் வழக்கு தள்ளுபடி உச்ச நீதிமன்றத்தை நாட முடிவு

Updated : நவ 29, 2020 | Added : நவ 29, 2020 | கருத்துகள் (2)
Share
Advertisement
வாஷிங்டன்: அமெரிக்க அதிபர் தேர்தலில் மோசடி நடந்துள்ளதாக, டொனால்டு டிரம்ப் தொடர்ந்து கூறிவருகிறார். இந்நிலையில், பென்சில்வேனியா மாகாண தேர்தல் முடிவுகளை எதிர்த்து, அவர் தொடர்ந்த மேல் முறையீட்டு மனுவும் தள்ளுபடி செய்யப்பட்டதை அடுத்து, அவர், உச்ச நீதிமன்றத்தை நாட முடிவு செய்துள்ளார்.அமெரிக்க அதிபர் பதவிக்கு சமீபத்தில் நடந்த தேர்தலில், ஜனநாயக கட்சியின் ஜோ பைடன்

வாஷிங்டன்: அமெரிக்க அதிபர் தேர்தலில் மோசடி நடந்துள்ளதாக, டொனால்டு டிரம்ப் தொடர்ந்து கூறிவருகிறார். இந்நிலையில், பென்சில்வேனியா மாகாண தேர்தல் முடிவுகளை எதிர்த்து, அவர் தொடர்ந்த மேல் முறையீட்டு மனுவும் தள்ளுபடி செய்யப்பட்டதை அடுத்து, அவர், உச்ச நீதிமன்றத்தை நாட முடிவு செய்துள்ளார்.



latest tamil news


அமெரிக்க அதிபர் பதவிக்கு சமீபத்தில் நடந்த தேர்தலில், ஜனநாயக கட்சியின் ஜோ பைடன் வென்றார்.ஆனால், 'தேர்தலில் மோசடி நடந்துள்ளது. அதனால் தேர்தல் முடிவுகளை ஏற்க முடியாது' என, குடியரசு கட்சியைச் சேர்ந்த, அதிபர் டொனால்டு டிரம்ப் தொடர்ந்து கூறிவருகிறார்.தேர்தல் முடிவுகளை எதிர்த்து, பல்வேறு மாகாணங்களில் அவர் வழக்கு தொடர்ந்துள்ளார். பென்சில்வேனியா மாகாண தேர்தல் தோல்வியை எதிர்த்து, டிரம்ப் சார்பில் வழக்கு தொடரப்பட்டது.இந்த மாகாணத்தின், 'எலக்டோரல் காலேஜ்' எனப்படும் மாகாணப் பிரதிநிதிகள் குழுவின், 20 ஓட்டுகள் முக்கியத்துவம் வாய்ந்தது; அது, பைடனுக்கு கிடைத்தது.டிரம்ப் தொடர்ந்த வழக்கை, கீழ் நீதிமன்றம் தள்ளுபடி செய்தது.

அதை எதிர்த்து, மேல்முறையீட்டு நீதிமன்றத்தில், டிரம்ப் தரப்பில் மனு தாக்கல் செய்யப்பட்டது. இந்த மனுவும், நேற்று தள்ளுபடி செய்யப்பட்டது. 'தேர்தல் முடிவுகளை, வாக்காளர்கள் தான் முடிவு செய்ய வேண்டும். வழக்கறிஞர்கள் அல்ல. வெளிப்படையான தேர்தல் நடத்தப்படுவதுதான், நம் ஜனநாயகத்தின் உயிர்நாடி. ஆனால், போதிய ஆதாரங்கள் இல்லாமல், மோசடி நடந்துள்ளதாக கூறுவதை ஏற்க முடியாது' என, நீதிமன்றம் கூறியுள்ளது.இந்த தீர்ப்பை எதிர்த்து, உச்ச நீதிமன்றத்தில் வழக்கு தொடர, டிரம்ப் தரப்பு முடிவு செய்துள்ளது.

கமலா ஹாரிஸ் புகழாரம்

அமெரிக்க துணை அதிபராக பதவியேற்க உள்ள, இந்தியாவை பூர்வீகமாக உடைய கமலா ஹாரிஸ், சமூக வலைதளங்களில் கூறியுள்ளதாவது:நம்மிடையே உள்ள மிகச் சிறந்த நபரான ஜோ பைடன், அதிபராக பதவியேற்க உள்ளார். உலக நாடுகள் மதிக்கக் கூடிய, நம் குழந்தைகள் முன்னுதாரணமாக பார்க்கக் கூடியவராக, அவர் திகழ்கிறார். நாட்டின் அனைத்து மக்களின் அதிபராக அவர் இருப்பார்.இவ்வாறு, அவர் கூறியுள்ளார்.


latest tamil news


சமூக வலைதளத்தில் வெளியிட்டுள்ள செய்திகளில், ஜோ பைடன் கூறியுள்ளதாவது:நம் நாட்டின் வரலாற்றில் புதிய அத்தியாயத்தை நாம் அனைவரும் இணைந்து எழுதுவோம். நம் பொறுப்புகளை உணர்ந்து செயல்படுவோம். வைரஸ் பரவலை தடுப்பதற்கு ஒவ்வொருவரும் எடுக்கும் நடவடிக்கையும் முக்கியமானதாகும். ஒரு உயிரைக் காப்பாற்றுவதாக, அது அமையும்.இவ்வாறு, அவர் கூறியுள்ளார்.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Bhaskaran - Chennai,இந்தியா
29-நவ-202017:36:02 IST Report Abuse
Bhaskaran எண்பத்துநாலு தேர்தலில் எனக்கு வாக்களியுங்கள். எம்ஜியார் அமெரிக்காவிலிருந்து வந்தவுடன் அவரிடம் ஒப்படைத்து விடுகிறேன்னு தமிழ்நாட்டில் oruthr சொன்னார்னு இந்த தலைமுறைக்கு தெரியாமல் இருக்கலாம் .இந்தியாவின் ஒருபகுதியாக தமிழ்நாட்டின் ஆட்சிப்பொறுப்புக்கே இந்தமாதிரி ஆசை enraal உலகின் மிகப்பெரிய வல்லரசின் ஆட்சிப்பொறுப்பி விட்டு கொடுக்க மனம் வருமா
Rate this:
Cancel
M.COM.N.K.K. - Vedaranyam ,இந்தியா
29-நவ-202017:19:30 IST Report Abuse
M.COM.N.K.K. டிரம்ப் இந்தியா வந்ததும் போதும் இந்திய அரசியலை கற்றுக்கொண்டார் போங்க இதுவரை அமெரிக்க தேர்தலில் தோல்வி அடைந்தவர்கள் வெற்றி அடைந்தவரிடம் கைகுலுக்கி வாழ்த்து சொல்லிவிட்டு தனது வேலையை செய்ய போய்விடுவார்கள் ஆனால் இவர் விடுவதாக தெரியவில்லையே.இப்போதுதான் நமது அரசியல் அங்கேயும் அரங்கேறுகிறது என்றால் நமக்கும் மகிழ்ச்சிதானே.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X