உளுந்துார்பேட்டை; உளுந்துார்பேட்டை அருகே கூலித் தொழிலாளியைத் தாக்கிய வாலிபரை போலீசார் கைது செய்தனர்.உளுந்துார்பேட்டை அடுத்த சிறுபுலியூர் காலனியைச் சேர்ந்தவர் ஏழுமலை, 59; கூலித்தொழிலாளி. இவர், அதே ஊரில் உள்ள கண்ணன் என்பவரின் நிலத்தில் கூலி வேலை செய்து வருகிறார்.கடந்த 25ம் தேதி அதே ஊரைச் சேர்ந்த தெய்வநாயகம் மகன் மணிகண்டன், 30; கண்ணன் நிலத்தில் மாடு மேய்த்துக் கொண்டிருந்தார். அதனைக் கேட்ட ஏழுமலையை, மணிகண்டண், பூவரசன், யுவராஜ், ரஞ்சித்குமார் ஆகிய நான்கு பேரும் சேர்ந்து தாக்கி, கொலை மிரட்டல் விடுத்தனர்.புகாரின்பேரில் திருநாவலுார் போலீசார் நான்கு பேர் மீது வழக்குப்பதிந்து தெய்வநாயகம் மணிகண்டனை கைது செய்தனர்.