'வீட்டுக் கதவில் 'போஸ்டர்: கொரோனா பாதித்தோர் மன வேதனை'

Updated : டிச 03, 2020 | Added : டிச 01, 2020 | கருத்துகள் (5)
Share
Advertisement
புதுடில்லி: 'கொரோனாவால் பாதிக்கப்பட்டவரின் வீட்டுக் கதவில் ஒட்டப்படும், போஸ்டரால் நோயாளிகளை தீண்டதகாதவராக மற்றவர்கள் பார்க்கின்றனர். இதனால், நோயாளிகள் பெரும் மன வேதனைக்கு உள்ளாகின்றனர்' என, உச்ச நீதிமன்றம் தெரிவித்துள்ளது.கொரோனா பரவல் தொடர்பாக, உச்ச நீதிமன்றம் தானாக முன்வந்து, வழக்கு பதிவு செய்து விசாரித்து வருகிறது.விசாரணைகொரோனாவால்
போஸ்டர், கொரோனா,மன வேதனை

புதுடில்லி: 'கொரோனாவால் பாதிக்கப்பட்டவரின் வீட்டுக் கதவில் ஒட்டப்படும், போஸ்டரால் நோயாளிகளை தீண்டதகாதவராக மற்றவர்கள் பார்க்கின்றனர். இதனால், நோயாளிகள் பெரும் மன வேதனைக்கு உள்ளாகின்றனர்' என, உச்ச நீதிமன்றம் தெரிவித்துள்ளது.கொரோனா பரவல் தொடர்பாக, உச்ச நீதிமன்றம் தானாக முன்வந்து, வழக்கு பதிவு செய்து விசாரித்து வருகிறது.


விசாரணை



கொரோனாவால் பாதிக்கப்பட்டவர்களின் வீடுகளில், 'இந்த வீட்டில் இருப்பவர்களுக்கு கொரோனா பாதிப்பு உள்ளது' என, 'போஸ்டர்' ஒட்டப்படும் நடைமுறை பல மாநிலங்களில் பின்பற்றப்படுகின்றன. இதற்கு, பலர் எதிர்ப்பு தெரிவித்தனர். இது பற்றி விசாரித்த உச்ச நீதிமன்றம், 'கொரோனா நோயாளி களின் வீட்டுக்கதவில் போஸ்டர் ஒட்டுவதை தவிர்க்க வேண்டும்' என, மத்திய அரசுக்கு, சமீபத்தில் உத்தரவிட்டது.

இந்த வழக்கு, நீதிபதிகள் அசோக் பூஷண், சுபாஷ் ரெட்டி, எம்.ஆர்.ஷா ஆகியோர் அடங்கிய அமர்வு முன், நேற்று விசாரணைக்கு வந்தது; அப்போது, நீதிபதிகள் கூறியதாவது:கொரோனாவால் பாதிக்கப்பட்டவர்களின் வீட்டுக் கதவுகளில் போஸ்டர் ஒட்டப்படுவது தொடர்கிறது. இதனால், கொரோனா நோயாளிகளை தீண்டத்தகாதவர்கள் போல், மற்றவர்கள் பார்க்கின்றனர்; இது, அவர்களுக்கு பெரும் மனவேதனையை தருகிறது.




சிக்கல்



போஸ்டர் ஒட்டும் நடைமுறை டில்லியில் கைவிடப்பட்டுஉள்ளது; மற்ற மாநிலங்ககளிலும், இதை பின்பற்றுவதில் என்ன சிக்கல் என தெரியவில்லை.இவ்வாறு, நீதிபதிகள் கூறினர்.மத்திய அரசு சார்பில் ஆஜரான சொலிசிட்டர் ஜெனரல் துஷார் மேத்தா கூறியதாவது:கொரோனாவால் பாதிக்கப்பட்டவர்களின் வீடுகளில், போஸ்டர் ஒட்ட வேண்டும் என, மத்திய அரசு த்தரவிட வில்லை. கொரோனா தடுப்பு விதிகளிலும், அவ்வாறு கூறப்படவில்லை.இவ்வாறு அவர் கூறினார்.இதையடுத்து, விசாரணை ஒத்தி வைக்கப்பட்டது.


நீதிபதிகள் கடும் அதிருப்தி



கொரோனா பரவல் அதிகரித்த நிலையில், மார்ச், 25 முதல், உச்ச நீதிமன்றத்தில், 'வீடியோ கான்பரன்ஸ்' வழியாகவே, வழக்கு விசாணையை நீதிபதிகள் நடத்தி வருகின்றனர். இதனால், வழக்கறிஞர்கள் உள்ளிட்டோர், நீதிமன்றத்துக்கான உடையை அணியாமல் ஆஜராகின்றனர். சில மாதங்களுக்கு முன், வழக்கறிஞர் ஒருவர், உள்ளாடை மட்டும் அணிந்து ஆஜரானது, நீதிபதிகளை அதிர்ச்சியடைய வைத்தது.
இந்நிலையில், நீதிபதிகள் நாகேஸ்வர ராவ், ஹேமந்த் குப்தா ஆகியோர் அடங்கிய அமர்வு, வீடியோ கான்பரன்ஸ் வழியாக, நேற்று விசாரணை நடத்தியபோது, சட்டை அணியாமல், ஒருவர் ஆஜரானார். இதைப் பார்த்த நீதிபதிகள், கடும் அதிருப்தி தெரிவித்து, 'வீடியோ கான்பரன்ஸ் வழியாக விசாரணை துவக்கி, எட்டு மாதங்களுக்கு மேலாகி விட்டது. ஆனாலும், அநாகரிக செயல்கள் தொடர்வது வேதனை தருகிறது' என்றனர்.


Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Mani . V - Singapore,சிங்கப்பூர்
02-டிச-202008:14:02 IST Report Abuse
Mani . V இதே போன்று, லஞ்சம் வாங்கிய, ஊழல் செய்த அரசியல்வாதிகள், அதிகாரிகள் வீட்டு கதவுகளிலும் ஓட்டுவார்களா யுவர் ஹானர்? இடியட்ஸ்.
Rate this:
Cancel
02-டிச-202007:42:50 IST Report Abuse
ஆப்பு ஊரடங்கு, முடக்கம், தகரம் அடித்தல், போஸ்டர் ஒட்டுதல் எல்லாம் பொது மக்களுக்கே.... அமித்ஷா வீட்டிலேயோ, துரைக்கண்ணு வீட்டிலேயோ யாராவது போஸ்டர் ஒட்டுவாங்களா? தகரம் அடிப்பாங்களா?
Rate this:
Cancel
Sanny - sydney,ஆஸ்திரேலியா
02-டிச-202005:57:04 IST Report Abuse
Sanny இதில் என்ன தப்பு இருக்கு எல்லாம் ஒரு பாதுகாப்பான அறிவித்தல் தானே, இது உலக நாடுகள் பல இடங்களில் நடை முறைக்கு இருக்கு, ஆஸ்திரேலியாவில் தனிமை படுத்தப்பட்டால் அடிக்கடி பொலிஸாரின் உதவியுடன் சுகாதார ஊழியர் அடிக்கடி அவர்கள் வீட்டில் இருக்கிறார்களாக என்று பரிசீலிக்க வருவார்கள், ஆனால் யாரும் தப்பாக பார்ப்பதில்லை, போலீசார் அடிக்கடி வீட்டுக்கு வந்தால் அவர்கள் என்ன குற்றம் செய்தவர்களாக பார்ப்பதும் இலை, உதாரணத்துக்கு அம்மை வருத்தம் வந்தால் எங்கள் வீட்டுக்கு வரவேண்டாம் என்று வேப்பிலை வீட்டு வாசலில் கட்டுவது நம்ம வழக்கம், அப்போ யாரும் தப்பாக பார்ப்பதில்லை, கொரோனாவையும் அப்படித்தானே. 14 நாட்கள் பொறுத்துக்கொள்ள முடியவில்லையா? பல நாடுகளில் தனிமை படுத்தப்பட்டவர்கள் வீடுகளுக்கு நண்பர்கள், அயலவர்கள் அவர்களுக்கு உணவு பொட்டலங்கள், தேவையான பாவனை பொருட்களை அவர்களுக்காக வாங்கி, அல்லது தங்கள் செலவில் வாங்கி அந்தவீட்டு கதவு அல்லது சுவர் மதில் மேலால் வைத்துவிட்டுவருவது அன்றாடம் நடக்குது. இந்தியாவின் விருதோம்பல், மனித நேயம் எங்கே போனது கொரோன விடயத்தில்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X