பொது செய்தி

தமிழ்நாடு

புயலால் பாதிக்கப்பட்டதா உங்கள் பயிர்? கூப்பிடச் சொல்கிறார் ககன்தீப் சிங்!

Added : டிச 02, 2020
Share
Advertisement
சென்னை:புயல் மற்றும் கன மழை பாதுகாப்பு நடவடிக்கைகளை மேற்கொள்ள, தென்மாவட்ட விவசாயிகளுக்கு பல்வேறு அறிவுரைகளை, வேளாண் துறை வழங்கியுள்ளது.இதுகுறித்து, வேளாண் துறை செயலர் ககன்தீப் சிங் அறிக்கை:l சம்பா பருவ நெல் சாகுபடி செய்துள்ள விவசாயிகள், பயிர் காப்பீடு செய்து, இயற்கை இடர்பாடுகளால் ஏற்படும் இழப்பில் இருந்து, பாதுகாத்து கொள்ள வேண்டும். l திருநெல்வேலி, தென்காசி,
 புயலால் பாதிக்கப்பட்டதா உங்கள் பயிர்? கூப்பிடச் சொல்கிறார் ககன்தீப் சிங்!

சென்னை:புயல் மற்றும் கன மழை பாதுகாப்பு நடவடிக்கைகளை மேற்கொள்ள, தென்மாவட்ட விவசாயிகளுக்கு பல்வேறு அறிவுரைகளை, வேளாண் துறை வழங்கியுள்ளது.

இதுகுறித்து, வேளாண் துறை செயலர் ககன்தீப் சிங் அறிக்கை:l சம்பா பருவ நெல் சாகுபடி செய்துள்ள விவசாயிகள், பயிர் காப்பீடு செய்து, இயற்கை இடர்பாடுகளால் ஏற்படும் இழப்பில் இருந்து, பாதுகாத்து கொள்ள வேண்டும். l திருநெல்வேலி, தென்காசி, விருதுநகர், கன்னியாகுமரி, மதுரை, திண்டுக்கல் மாவட்டங்களில், சம்பா சாகுபடி செய்துள்ள விவசாயிகளும், தோட்டக்கலை பயிர்களான வாழை, மரவள்ளி, வெங்காயம், மிளகாய், தக்காளி, வெண்டை, கொத்தமல்லி, கத்தரி, இஞ்சி போன்றவற்றை சாகுபடி செய்துள்ள விவசாயிகளும், பயிர்களை காப்பீடு செய்வதற்கு, வரும், 15ம் தேதி கடைசி நாள்.

* விவசாயிகள், 15ம் தேதி வரை காத்திருக்காமல், முன்னதாகவே பயிர் காப்பீடு செய்ய வேண்டும்.

* தென்னை மரங்களில் தேங்காய், இளநீர், பச்சை ஓலை, காய்ந்த ஓலை அதிகம் இருந்தால், காற்றின் வேகத்தில் மரம் சாய்ந்து விழுவதற்கு வழிவகுக்கும். எனவே, இளம் ஓலைகளை தவிர்த்து, மற்றவற்றை வெட்டி அகற்ற வேண்டும்.

* புயல், மழையை எதிர்கொள்வதற்கு, நான்கு நாட்களுக்கு முன், தென்னந்தோப்புகளுக்கு நீர் பாய்ச்சுவதை நிறுத்த வேண்டும்.

* வாழை, மரவள்ளி, பப்பாளி, மா, பலா, முந்திரி, ரப்பர் மரங்களில், காற்று ஊடுருவி செல்லும் வகையில் பக்கவாட்டு கிளைகளையும், அதிகப்படியான இலைகளையும் கவாத்து செய்ய வேண்டும்.

* கவாத்து செய்த இடங்களில் பூஞ்சாண நோய் பரவாமல் தடுப்பதற்கு, 'காப்பர் ஆக்ஸி குளோரைடு' 1 லிட்டர் நீரில், 300 கிராம் கலந்த கலவையை பூச வேண்டும்.

* கன்னியாகுமரி, திருநெல்வேலி மாவட்டங்களில் இடைபருவ அறுவடைக்கு தயாராக இருக்கும், மா மரங்களில் அறுவடை செய்து, மரத்தின் சுமையை குறைக்க வேண்டும்.

* நெல், பருப்பு வகைகள், சிறுதானியங்கள், பருத்தி, கரும்பு, நிலக்கடலை போன்ற பயிர்களில், தண்ணீர் தேங்காமல் வடிகால் வசதியை ஏற்படுத்த வேண்டும்.

* தொடர்ந்து மழை பெய்யும் நாட்களில், விவசாயிகள் தங்கள் விளைபொருட்களை, அருகில் உள்ள ஒழுங்குமுறை விற்பனை கூட கிடங்குகளில், பாதுகாப்பாக சேமித்து வைக்க வேண்டும். ஒழுங்குமுறை விற்பனை கூடங்களில் விளைபொருட்களை பாதுகாக்க, போதிய தார்பாய்கள் இருப்பு வைக்க, பொறுப்பாளர்களுக்கு அறிவுறுத்தப்பட்டு உள்ளது.

* இது குறித்த கூடுதல் தகவல்களை, வேளாண்மை மற்றும் தோட்டக்கலைத் துறை அலுவலர்களை தொடர்பு கொண்டு, விவசாயிகள் பெறலாம்.இவ்வாறு, அதில் கூறியுள்ளார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X