பொது செய்தி

தமிழ்நாடு

ஆத்தூர் ஒன்றியத்தில் கவுன்சிலர்கள் குமுறல்: வேலை உறுதித்திட்டத்தில் முறைகேடா

Added : டிச 03, 2020
Share
Advertisement
செம்பட்டி : ஆத்துார் பகுதி கிராம ஊராட்சிகளில் இறந்தோர், அரசு ஊழியர்கள் பெயரில் வேலை உறுதித்திட்ட சம்பளம் வழங்கியதாக ஒன்றிய கவுன்சிலர்கள் புகார் தெரிவித்தனர்.ஆத்துார் ஒன்றிய கவுன்சில் கூட்டம் தலைவர் மகேஸ்வரி தலைமையில் நடந்தது. பி.டி.ஓ., ஜெயச்சந்திரன் வரவேற்றார்.விவாதம் வருமாறு:நாகவள்ளி (தி.மு.க.,): காந்தி கிராமம் ஊராட்சியில் வேலை உறுதி திட்டத்தில் வெளிமாநிலம், வெளி

செம்பட்டி : ஆத்துார் பகுதி கிராம ஊராட்சிகளில் இறந்தோர், அரசு ஊழியர்கள் பெயரில் வேலை உறுதித்திட்ட சம்பளம் வழங்கியதாக ஒன்றிய கவுன்சிலர்கள் புகார் தெரிவித்தனர்.

ஆத்துார் ஒன்றிய கவுன்சில் கூட்டம் தலைவர் மகேஸ்வரி தலைமையில் நடந்தது. பி.டி.ஓ., ஜெயச்சந்திரன் வரவேற்றார்.விவாதம் வருமாறு:நாகவள்ளி (தி.மு.க.,): காந்தி கிராமம் ஊராட்சியில் வேலை உறுதி திட்டத்தில் வெளிமாநிலம், வெளி மாவட்டங்களில் உள்ளோர், அரசுப்பணிக்கு செல்வோரை பயனாளிகளாக்கி சம்பள பட்டுவாடா நடக்கிறது.சாதிக் (தி.மு.க.,): சித்தரேவு ஊராட்சியில் இறந்தவர்கள் பெயரில், வேலை உறுதிப்பணி அட்டை பதிவு செய்துள்ளனர். முறைகேடுகளை களைய வேண்டும்.பி.டி.ஓ.,: ஊராட்சி தலைவர்கள், மண்டல துணை வட்டார வளர்ச்சி அலுவலர்களுக்கு தகவல் தெரிவித்து விசாரிக்கலாம்.

செல்வி(தி.மு.க.,): வீரக்கல் ஊராட்சி மன்ற அலுவலகம் இரவு நேரத்தில்தான் செயல்படுகிறது. அரசியல் பிரமுகர்களுக்கான கூட்டமும் அங்குதான் நடத்துகின்றனர்.பி.டி.ஓ.,: புகார் கொடுத்தால் விளக்கம் கேட்டு நடவடிக்கை எடுக்கலாம்.ஆனந்தன் (அ.தி.மு.க.,): அக்கரைப்பட்டியில் உள்ளாட்சி பிரதிநிதிகள் மின்மோட்டார் உபகரணங்களை கொண்டு சென்று விட்டனர். 3 நாட்களுக்கு மேலாக தண்ணீர் வினியோகம் பாதித்துள்ளது.பி.டி.ஓ: மின் உபகரணங்களை எடுத்துச்செல்ல யாருக்கும் அதிகாரம் இல்லை. இதுகுறித்து விசாரணை நடத்தப்படும். இவ்வாறு விவாதம் நடந்தது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X