சென்னை: பல்வேறு மாநிலங்களில் இருந்து வரத்து அதிகரித்துள்ளதால், வெங்காயத்தின் விலை சரிந்து வருகிறது.மஹாராஷ்டிரா, கர்நாடகா, ஆந்திரா, தெலுங்கானா உள்ளிட்ட மாநிலங்களில், பெரிய வெங்காயம் சாகுபடி அதிக அளவில் நடந்து வருகிறது. அறுவடையும் பல்வேறு மாநிலங்களில் துவங்கியுள்ளது. அங்கிருந்து, சென்னை, திருச்சி, கோவை, மதுரை, திண்டுக்கல் உள்ளிட்ட முக்கிய மார்க்கெட்டுகளுக்கு, அவற்றின் வரத்து அதிகரித்துள்ளது.அதனால், வெங்காயம் விலை வேகமாக குறைந்து வருகிறது. நேற்றைய நிலவரப்படி, சென்னை, கோயம்பேடில், கிலோ வெங்காயம் மொத்த விலையில், 35 - 55 ரூபாய் வரை விற்பனை செய்யப்பட்டது.