திருவாடானை : திருவாடானை, தொண்டி பகுதியில் புரெவி புயலால் பலத்த மழை பெய்தது. தீர்த்தாண்டதானம், நம்புதாளை, முள்ளிமுனை, காரங்காடு, புல்லுார் உள்ளிட்ட கடற்கரை ஓரத்தில் வசிக்கும் கிராம மக்கள் அங்குள்ள அரசு பள்ளிகட்டடத்தில் தங்க வைக்கபட்டனர். மீனவர்கள் மீன்பிடிக்க செல்லவில்லை.இது குறித்து மகாசக்திபுரம் மீனவர்கள் கூறியதாவது:நேற்று மாலை வரை புரெவி புயலால் பெரிய அளவில் பாதிப்பு இல்லை. வழக்கமான காற்றை விட சற்று அதிகமாக வீசியது. தொண்டி பகுதியில் கரையை கடக்கும் என்ற செய்தியால் முன்னெச்சரிக்கையாக படகுகளைகடற்கரையில் நிறுத்தினோம், என்றனர்.