சென்னை:துபாயிலிருந்து இருவேறு விமானங்களில் கடத்தி வரப்பட்ட 1.19 கிலோ தங்க கட்டிகளை சுங்கத்துறை அதிகாரிகள் பறிமுதல் செய்தனர்.

துபாயிலிருந்து 'இண்டிகோ ஏர்லைன்ஸ்' விமானம் நேற்று காலை 10:10 மணிக்கு சென்னை வந்தது. அதில் சுங்கத்துறை அதிகாரிகள் சோதனையில் ஈடுபட்டனர். விமானத்திலிருந்த ஒரு இருக்கையின் அடிப்பகுதியில் மறைத்து வைக்கப்பட்டிருந்த 1 கிலோ தங்க கட்டி 50 லட்சம் ரூபாய் மதிப்பில் பறிமுதல்செய்யப்பட்டது.

மற்றொரு சம்பவத்தில் துபாயிலிருந்து 'பிளை துபாய்' விமானம் நேற்று முன்தினம் இரவு 9:50 மணிக்கு சென்னை வந்தது. அதில் வந்த வேலுாரைச் சேர்ந்த விவேக் மனோகரன் 30 என்பவரை சோதனையிட்ட போது அவரது காலணியில் மறைத்து வைக்கப்பட்டிருந்த 200 கிராம் தங்க கட்டிகள் 10 லட்சம் ரூபாய் மதிப்பில் பறிமுதல் செய்யப்பட்டது.