புதுடில்லி:அறிவுசார் சொத்து விவகாரத்தில் ஒத்துழைத்து செயல்படுவது தொடர்பாக இந்தியா - அமெரிக்கா இடையே ஒப்பந்தம் கையெழுத்தாகி உள்ளது.

காப்புரிமை டிரேட்மார்க் தொழிலக வடிவமைப்பு உள்ளிட்டவை அடங்கிய அறிவுசார் சொத்து விவகாரத்தில் இந்தியா அமெரிக்கா இணைந்து செயல்படுவது குறித்து பேச்சு நடந்தது. இதையடுத்து தொழில் துறை மற்றும் உள்நாட்டு வர்த்தகம் வளர்ச்சி துறை மற்றும் அமெரிக்க அரசின் காப்புரிமை மற்றும் டிரேட்மார்க் அலுவலகம் இடையே ஒப்பந்தம் செய்யப்பட்டு உள்ளது.

'வீடியோ கான்பரன்ஸ்' முறையில் இரு தரப்பும் இந்த ஒப்பந்தத்தில் கையெழுத்திட்டுஉள்ளன. அதன்படி காப்புரிமை உட்பட அறிவுசார் சொத்தை நடைமுறைபடுத்துவதில் உள்ள புதிய முறைகளை பகிர்ந்து கொள்வது அதிகாரிகளுக்கு பயிற்சி ஆகியவற்றில் இரு நாடுகளும் இணைந்து செயல்படும்.