பரங்கிப்பேட்டை; பரங்கிப்பேட்டை அருகே ரூ. 35 லட்சம் மதிப்பில், புதியதாக அமைக்கும் அம்மா பூங்கா மற்றும் உடற்பயிற்சி கூடத்தை, பாண்டியன் எம்.எல்.ஏ., ஆய்வு செய்தார்.பரங்கிப்பேட்டை அடுத்த கொத்தட்டை ஊராட்சி, புதுக்குப்பம் கிராமத்தில், ரூ. 35 லட்சம் மதிப்பில், அம்மா பூங்கா, உடற்பயிற்சி கூடம் அமைக்கும் பணி நடக்கிறது. இந்த பணியை, பாண்டியன் எம்.எல்.ஏ., ஆய்வு செய்து, விரைந்து முடிக்க அதிகாரிகளுக்கு உத்தரவிட்டார்.ஒன்றிய செயலாளர் ராசாங்கம், சேர்மன் கருணாநிதி, மாவட்ட மீனவரணி செயலாளர் வீராசாமி, மாவட்ட தொழில் நுட்ப செயலாளர் மணிகண்டன், பேராசிரியர் ரங்கசாமி, பி.டி.ஓ., சுகுமார், ஊராட்சித் தலைவர் ராஜேஸ்வரி ரங்கசாமி, கிராம தலைவர் ராமச்சந்திரன், கூட்டுறவு வங்கி தலைவர் கணேஷ், ஒன்றிய கவுன்சிலர் ரவி, நிர்வாகிகள் தமிழரசன், நாகராஜ், சிவராஜன், பக்கிரி உடனிருந்தனர்.