நாமக்கல்: விவசாய சட்டங்களை திரும்ப பெற வலியுறுத்தி, நாமக்கல்லில், தி.மு.க., சார்பில், நாளை ஆர்ப்பாட்டம் நடக்கிறது. கிழக்கு மாவட்ட பொறுப்பாளர் ராஜேஷ்குமார் வெளியிட்டுள்ள அறிக்கை: விவசாயிகள் விரோத சட்டங்களை திரும்ப பெற வலியுறுத்தி, தமிழகம் முழுவதும், டிச., 5ல் ஆர்ப்பாட்டம் நடத்துவது என மாவட்ட செயலாளர்கள் கூட்டத்தில் தீர்மானம் நிறைவேற்றப்பட்டது. இதையொட்டி, நாமக்கல்-மோகனூர் சாலை, அண்ணாதுரை சிலை அருகில், நாளை காலை, 9:00 மணிக்கு, கொ.ம.தே.க., பொதுச் செயலாளர் ஈஸ்வரன் தலைமையிலும், தி.மு.க., துணை பொது செயலாளர் அந்தியூர் செல்வராஜ், நாமக்கல் கிழக்கு மாவட்ட பொறுப்பாளர் ராஜேஷ்குமார் ஆகியோர் முன்னிலையிலும் ஆர்ப்பாட்டம் நடக்கிறது. இவ்வாறு, அவர் தெரிவித்துள்ளார்.