தேனி : கேரளாவில் இருந்து தமிழகம் வரும் ஏலத்தோட்ட தொழிலாளர்களை தவிர மற்ற அனைவருக்கும் இ---பாஸ் கட்டாயம் என தேனி கலெக்டர் பல்லவிபல்தேவ் தெரிவித்துள்ளார்.

கொரோனா பரவலால் கேரளா-தமிழகத்தின் தேனி மாவட்ட எல்லை இடையே பொதுமக்கள் பயணத்துக்கு இ-பாஸ் வேண்டுமா, வேண்டாமா என்பதில் குழப்பம் நீடிக்கிறது. இதுபற்றி தேனி கலெக்டர் பல்லவிபல்தேவ் கூறுகையில், நவ.,30ல் வெளியான அரசாணையில் கர்நாடகா, ஆந்திரா, புதுச்சேரியில் இருந்து வருபவர்கள் தவிர்த்து பிற மாநிலங்களில் இருந்து தமிழகம் வருவோருக்கு இ--பாஸ் கட்டாயம் என தெரிவிக்கப்பட்டது. கேரளாவில் கொரோனா அதிகரிப்பதால் கம்பம்மெட்டு, குமுளி, போடிமெட்டு சோதனை சாவடிகளில் இ--பாஸ் கட்டாயமாக்கப்பட்டுள்ளது.

தேனி மாவட்டத்தில் இருந்து கேரளா ஏலத்தோட்ட பணிக்கு செல்லும் தொழிலாளர்களுக்கு இந்த நடைமுறை கிடையாது. இவர்கள் உரிய ஆவணங்கள், பாதுகாப்பு அம்சங்களுடன் சென்று வர அனுமதி உண்டு'' என்றார்.