சென்னை : இன்று நடக்கவிருந்த, சி.ஏ., தேர்வில், ஒரு பாடத்திற்கான தேர்வு மட்டும், 13ம் தேதிக்கு மாற்றப்பட்டுள்ளது.

இந்திய கணக்கு தணிக்கையாளர் அமைப்பின், தேர்வு பிரிவு கூடுதல் செயலர் கஞ்ச் வெளியிட்ட அறிவிப்பு:கணக்கு தணிக்கையாளர் பதவிக்கான, சி.ஏ., தேர்வில், இன்று நடக்கவிருந்த, 'அக்கவுன்டிங் பிரின்சிபல்ஸ்' பாடத்துக்கான தேர்வு, 13ம் தேதிக்கு மாற்றப் பட்டுள்ளது. இந்த பாடத்துக்கு விண்ணப்பித்த மாணவர்களுக்கு, அவர்களுக்கு ஏற்கனவே அறிவிக்கப்பட்ட மையங்களில், வரும், 13ம் தேதி பிற்பகல், 2:00 முதல், 5:00 மணி வரை தேர்வு நடக்கும். இதைத் தவிர, ஆக., 21ல் அறிவிக்கப்பட்ட அட்டவணைப்படி, தேர்வுகள் நடப்பதில் மாற்றம் இல்லை. தெளிவான தகவல்களுக்கு, www.icai.org என்ற, இணையதளத்தை பார்க்கவும்.இவ்வாறு, அறிவிப்பில் கூறப்பட்டுள்ளது.