இளையான்குடி : இளையான்குடி ஊராட்சி ஒன்றிய கூட்டத்தில் புயல் காலத்தில் சிறப்பாக பணியாற்றிய முதல்வர் பழனிசாமிக்கும்,தமிழக அரசுக்கும் இளையான்குடி ஒன்றிய கூட்டத்தில் பாராட்டு தெரிவிக்கப்பட்டது.

இளையான்குடி ஊராட்சி ஒன்றிய கூட்டம் தலைவர் முனியாண்டி தலைமையில் நடந்தது.பி.டி.ஓ.,க்கள் பர்னபாஸ் அந்தோணி,ராஜேஸ்வரி முன்னிலை வகித்தனர். துணைத்தலைவர் தனலெட்சுமி: புயல் காலத்தில் சிறப்பாக பணியாற்றிய முதல்வர் பழனிசாமிக்கும்,தமிழக அரசுக்கும் பாராட்டு தெரிவிக்க வேண்டும். பி.டி.ஓ.,:தலைவர் மற்றும் ஒன்றியக்குழு உறுப்பினர்கள் சார்பில் பாராட்டுகளையும் நன்றிகளையும் தெரிவித்து கொள்கிறோம்.

கீர்த்தனா,ஒன்றிய கவுன்சிலர்:திருவள்ளூர் கிராமத்தில் குடிநீர் சரியாக வராததால் நீர் தேக்க தொட்டி கட்ட வேண்டும்.பி.டி.ஓ., குடிநீர் தொட்டி கட்ட நடவடிக்கை எடுக்கப்படும்.சண்முகம்,ஒன்றிய கவுன்சிலர்:புதுவலசை கிராமத்தில் குடிநீர் குழாய் இணைப்பிற்கு மின்இணைப்பு வழங்க மின்சார வாரியத்தினர் இழுத்தடித்து வருகின்றனர்.பி.டி.ஓ., மின்சார வாரிய அதிகாரிகளுக்கு சுற்றறிக்கை அனுப்ப நடவடிக்கை எடுக்கப்பட்டுள்ளது. நகரகுடி கூட்டுறவு தலைவர் பாரதிராஜன் உள்பட ஒன்றிய கவுன்சிலர்கள் கலந்து கொண்டனர்.மேலாளர் தவமணி நன்றி கூறினார்.