கள்ளக்குறிச்சி; கள்ளக்குறிச்சியில் கொடி நாள் உண்டியல் வசூலை கலெக்டர் துவக்கி வைத்தார்.நாட்டின் தரை, கப்பல் மற்றும் விமானப் படையினர், ஆற்றிய மகத்தான சேவையை அங்கீகரிக்கவும் முப்படைகளில் பணியிலிருந்து ஓய்வு பெற்ற முன்னாள் படைவீரர்களை கவுரவிக்கவும் ஆண்டு தோறும் டிசம்பர் 7ம் தேதி கொடிநாள் கொண்டாடப்படுகிறது.நடப்பாண்டிற்கான கொடிநாள் உண்டியல் வசூலினை கலெக்டர் கிரண்குராலா நேற்று தொடக்கி வைத்தார். தொடர்ந்து டி.ஆர்.ஓ., சங்கீதா மற்றும் மாவட்ட துறை அலுவலர்களிடம் கொடி நாள் நிதி திரட்டப்பட்டது.கலெக்டரின் நேர்முக உதவியாளர் (பொறுப்பு) சுரேஷ், மற்றும் கலெக்டர் அலுவல ஊழியர்கள் பங்கேற்றனர்.