சென்னை:தமிழகத்தில், சென்னை, கோவை மாவட்டங்களை தவிர்த்து, 35 மாவட்டங்களில், கொரோனா தொற்று பாதிப்பு குறைந்துள்ளது.

இதுகுறித்து, சுகாதாரத்துறை வெளியிட்டுள்ள செய்தி குறிப்பு:மாநிலத்தில் உள்ள, 228 கொரோனா பரிசோதனை ஆய்வகங்களில், நேற்று மட்டும், 65 ஆயிரத்து, 186 மாதிரிகள் பரிசோதிக்கப்பட்-டன.அதில், சென்னையில், 333 பேர்; கோவையில், 122 பேர் என, மாநிலம் முழுதும், 1,236 பேருக்கு தொற்று உறுதி செய்யப்பட்டுள்ளது.

மேலும், 35 மாவட்டங்களில் கொரோனா தொற்று, 100க்கும் கீழே பதிவாகி உள்ளது; உயிரிழப்புகளும் குறைந்து வருகின்றன.இதுவரை, 1.26 கோடி மாதிரிகள் பரிசோதனையில், ஏழு லட்சத்து, 92 ஆயிரத்து, 788 பேருக்கு தொற்று கண்டறியப்பட்டுள்ளது.சிகிச்சையில் இருந்தோரில், சென்னையில், 292; கோவையில், 112 என, 1,330 பேர் நேற்று, குணமடைந்து வீடு திரும்பினர். இவர்களுடன் சேர்த்து, ஏழு லட்சத்து, 70 ஆயிரத்து, 378 பேர் இயல்பு வாழ்க்கைக்கு திரும்பியுள்ளனர்.

தற்போது, சென்னையில், 3,252; கோவையில், 876; செங்கல்பட்டில், 578 என, 10 ஆயிரத்து, 588 பேர் சிகிச்சையில் உள்ளனர்.சென்னையில், நேற்று மூன்று பேர் உட்பட, மாநிலம் முழுதும், 13 பேர் இறந்தனர். இவர்களுடன் சேர்த்து இதுவரை, 11 ஆயிரத்து, 822 பேர் இறந்துள்ளனர்.இவ்வாறு, அதில் கூறப்பட்டுள்ளது.