அரசியல் செய்தி

தமிழ்நாடு

ரஜினி கட்சிக்கு கொடி, சின்னம் ரெடி

Updated : டிச 11, 2020 | Added : டிச 09, 2020 | கருத்துகள் (30)
Share
Advertisement
சென்னை :ரஜினி புதிதாக ஆரம்பிக்க உள்ள கட்சிக்கு கொடி சின்னம் தயாராகி விட்டதாக மன்ற வட்டாரங்கள் தெரிவித்தன.அடுத்த ஆண்டில் நடக்கும் தமிழக சட்டசபை தேர்தலில் போட்டியிட முடிவு எடுத்துள்ள ரஜினி டிச.31ம் தேதி கட்சி அறிவிப்பை வெளியிட உள்ளார். ஜனவரி முதல் முழு வீச்சில் அரசியல் களத்தில் இயங்கவும் அவர் திட்டமிட்டுள்ளார்.கடந்த சில நாட்களாக இதற்கான ஆலோசனையில் ஈடுபட்டுள்ள ரஜினி
ரஜினி கட்சி, கொடி, சின்னம் ரெடி

சென்னை :ரஜினி புதிதாக ஆரம்பிக்க உள்ள கட்சிக்கு கொடி சின்னம் தயாராகி விட்டதாக மன்ற வட்டாரங்கள் தெரிவித்தன.

அடுத்த ஆண்டில் நடக்கும் தமிழக சட்டசபை தேர்தலில் போட்டியிட முடிவு எடுத்துள்ள ரஜினி டிச.31ம் தேதி கட்சி அறிவிப்பை வெளியிட உள்ளார். ஜனவரி முதல் முழு வீச்சில் அரசியல் களத்தில் இயங்கவும் அவர் திட்டமிட்டுள்ளார்.கடந்த சில நாட்களாக இதற்கான ஆலோசனையில் ஈடுபட்டுள்ள ரஜினி தன் கட்சியின் தலைமை ஒருங்கிணைப்பாளராக அர்ஜுன மூர்த்தியையும் மேற்பார்வையாளராக தமிழருவி மணியனையும் நியமித்துள்ளார். 'முதல்வர் பதவியில் நான் இருக்க மாட்டேன்; கட்சிக்கு மட்டுமே தலைமை ஏற்பேன்' என ரஜினி ஏற்கனவே கூறியிருந்தார். இது ரசிகர்கள் மத்தியில் அதிருப்தியை ஏற்படுத்தியிருந்தது. ஆனாலும் அது பற்றிய தன் இறுதி முடிவை ரஜினி இன்னமும் தெரிவிக்கவில்லை.

இந்நிலையில் அர்ஜுன மூர்த்தியும் தமிழருவி மணியனும் புதிய பொறுப்புகளில் நியமிக்கப்பட்டனர். இதையடுத்து முதல்வர் வேட்பாளர் யார் என்ற கேள்வி எழுந்தது. ரஜினி குறித்த செய்தி மற்றும் பேட்டிகளில் அர்ஜுன மூர்த்தியை பிரதானப்படுத்தியதும் ரசிகர்கள் மன்றத்தில் சலசலப்பை உருவாக்கியது.முதல்வர் பதவிக்கு ரஜினி வந்தால் மட்டுமே வெற்றி சாத்தியம் என ரஜினி ரசிகர்கள் உறுதியாக நம்புகின்றனர்.

இல்லையென்றால் அவர் கட்சி ஆரம்பித்தாலும் ரசிகர்களின் செயல்பாடு பெயரளவுக்கு தான் இருக்கும் என்கின்றனர்.இதனால் மக்கள் மன்றம் சார்பில் 'ரஜினி சார்ந்த பேனர் மற்றும் போஸ்டர்களில் அவரது படத்தை தவிர மற்றவர்கள் படத்தை பயன்படுத்த வேண்டாம்' என வாய்மொழி உத்தரவு பிறப்பித்துள்ளனர்.

இந்நிலையில் ரசிகர் மன்ற கொடியை கட்சிக்கு பயன்படுத்தாமல் தனிக் கொடி தயாரிக்கும் பணி நடந்து வந்தது. அதேபோல் கட்சியின் சின்னமாக எதை தேர்வு செய்யலாம் என்றும் ஆலோசிக்கப்பட்டது. இதில் முடிவு எடுக்கப்பட்டு கட்சிக்கு கொடியும் சின்னமும் தயாராகி விட்டதாக கூறப்படுகிறது. மேலும் கட்சியை பதிவு செய்வதற்கு முன் நிர்வாகிகள் யார் என்பதையும் முடிவு செய்து விட ரஜினி விரும்புகிறார். அதற்கான பட்டியலையும் அவர் கைவசம் வைத்துள்ளார்.

சமீபத்தில் அவரது அண்ணன் சத்ய நாராயணனை பெங்களூரு சென்று சந்தித்த ரஜினி அவரின் ஆசி பெற்றதோடு கட்சி பெயர் கொடி நிர்வாகிகள் குறித்தும் ஆலோசித்துள்ளார்.இதற்கிடையே ரஜினி கட்சியில் சேர திரையுலகில் ஏராளமானோர் காத்திருக்கின்றனர்.

Advertisement




வாசகர் கருத்து (30)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Raj - Tirunelveli,யூ.எஸ்.ஏ
14-டிச-202010:28:58 IST Report Abuse
Raj கமலை முதல்வர் வேட்பாளர் என அறிவிக்கலாமே? ரஜினி கமல் ஜோடி மிக பொருத்தம்.
Rate this:
Cancel
Baskar - Paris,பிரான்ஸ்
10-டிச-202022:12:23 IST Report Abuse
Baskar சிவராம் கோயம்புத்துர். நான் பாரிஸில் இருந்தாலும் இந்தியாவில் எனக்கு ஒரு சொத்தும் கிடையாது. என் என்றால் என் வயது அதிகம் எல்லாவற்றையும் பிரித்து முடித்தாகி விட்டாச்சு. நீங்கள் அந்த பிரிவா . அதாவது அடுத்தன் சொத்தை ஆட்டையை போடும் ஸ்டாலின் பிரிவா என்று கேட்கிறேன். இது போல் வாழ்வதை விட உழைத்து சம்பாதிக்க பாருங்கள். ஆண்டவன் காப்பாற்றுவான். ஸ்டாலின் காப்பாற்ற மாட்டான்.
Rate this:
ShivRam ShivShyam - Coimbatore,இந்தியா
11-டிச-202011:40:30 IST Report Abuse
ShivRam ShivShyamதயவு செய்து எனது கருத்தை மறுபடியும் படிக்கவும் .. யாரவது ஸ்டாலின் பிரிவு சுடலை என்று போடுவானா ?...
Rate this:
Cancel
bigu -  ( Posted via: Dinamalar Android App )
10-டிச-202019:34:51 IST Report Abuse
bigu ஆனா ஒட்டு போட நாங்க ரெடியா இல்ல
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X