திண்டுக்கல் : வேலை வாய்ப்பு அலுவலக பதிவை, மாவட்டம் விட்டு மாவட்டம் மாற்றும் முறை எளிமைப்படுத்தப்பட்டுள்ளது.

வேலை வாய்ப்பு அலுவலகங்களில் பதிவு செய்தவர்கள், மாவட்டம் விட்டு வேறு மாவட்டத்திற்கு பதிவை மாற்றுவதற்கு, அந்தந்த பகுதி தாசில்தாரிடம் சான்றொப்பமிட்ட குடும்ப குடிப்பெயர்ச்சி சான்றிதழ் பெற வேண்டும். இதுமட்டுமின்றி வாக்காளர் அடையாள அட்டை, ஆதார் உட்பட அடையாள ஆவணங்களில் ஏதாவது ஒன்றை கட்டாயம் சமர்ப்பிப்பதும் நடைமுறையில் இருந்தது.இந்நிலையில் மாவட்டம் விட்டு வேறு மாவட்டத்திற்கு பதிவை மாற்றும் முறையை அரசு எளிமைப்படுத்தியுள்ளது. பதிவுதாரர்கள் சுய சான்றளிக்கப்பட்ட குடும்ப அடையாள அட்டை, ஆதார், வாக்காளர் அடையாள அட்டை, பாஸ்போர்ட், டிரைவிங் லைசென்ஸ் உள்ளிட்ட ஆவணங்களில் ஏதேனும் ஒன்றை சமர்ப்பித்தாலே போதும் என தெரிவிக்கப்பட்டுள்ளது.