கோவை : சில்சார் - திருவனந்தபுரம் இடையே, கோவை வழியாக இன்று முதல் வாராந்திர சிறப்பு ரயில் இயக்கப்படுகிறது.

அசாம் மாநிலம் சில்சார் ஸ்டேஷனில் இருந்து, இன்று முதல் திருவனந்தபுரத்துக்கு வாராந்திர சிறப்பு ரயில் இயக்கப்படுகிறது. வியாழன்தோறும் இரவு, 8:10 மணிக்கு சில்சாரில் இருந்து புறப்படும் ரயில்(02508) கவுகாத்தி, புவனேஸ்வர், விஜயவாடா, பெரம்பூர், ஜோலார்பேட்டை, சேலம், கோவை வழியாக நான்காம் நாள் இரவு, 8:45க்கு திருவனந்தபுரம் செல்கிறது.

திருவனந்தபுரத்தில் இருந்து வரும், 15ம் தேதி முதல் செவ்வாய்தோறும் மாலை, 4:55க்கு புறப்படும் ரயில்(02507) நான்காம் நாள் மாலை, 4:40க்கு சில்சார் சென்றடைகிறது. இத்துடன், இரண்டடுக்கு ஏ.சி., வகுப்பு பெட்டி ஒன்று, மூன்றடுக்கு ஏ.சி., வகுப்பு பெட்டிகள் நான்கு, 13 ஸ்லீப்பர் வகுப்பு பெட்டிகள், இரண்டாம் வகுப்பு பொதுப்பிரிவு பெட்டிகள் இரண்டும் இணைக்கப்பட்டிருக்கும் என, தெற்கு ரயில்வே தெரிவித்துள்ளது.