சென்னை:காங்கிரஸ் இடைக்கால தலைவர் சோனியா பிறந்தநாளை ஒட்டி, அவருக்கு, தி.மு.க., தலைவர் ஸ்டாலின் பிறந்தநாள் வாழ்த்து தெரிவித்தார்.

சோனியா பிறந்தநாளை ஒட்டி, அவருக்கு தொலைபேசி வாயிலாக ஸ்டாலின் தொடர்பு கொண்டு, பிறந்தநாள் வாழ்த்துக்களை தெரிவித்தார். இதுதொடர்பாக, ஸ்டாலின் வெளியிட்ட அறிக்கை:

சோனியாவுக்கு, தி.மு.க., சார்பில் இனிய பிறந்தநாள் நல் வாழ்த்துக்கள். ஐக்கிய முற்போக்குக் கூட்டணியின் தலைவராக, இந்தியாவை நவீன, முற்போக்கு மற்றும் மதச்சார்பற்ற நாடாக மாற்றுவதில் முக்கிய பங்காற்றியவர்.மேலும், பல ஆண்டுகள் அவர் பொதுச்சேவை புரிய வாழ்த்துகிறேன்.இவ்வாறு, அவர் கூறியுள்ளார்.

காங்., கருத்தரங்கம்சோனியா சந்தித்த சவால்கள், சாதனைகள் என்ற தலைப்பில், வீடியோ கான்பரன்ஸ் வாயிலான கருத்தரங்கம் நேற்று நடந்தது. சென்னை சத்தியமூர்த்திபவனில், புயல் மற்றும் மழையால் பாதிக்கப்பட்ட மக்களுக்கு, நலத்திட்ட உதவிகள் வழங்கப்பட்டது.