வாஷிங்டன்: 2020ம் ஆண்டின் சிறந்த நபர்களாக, அமெரிக்க அதிபராக பதவியேற்க உள்ள ஜோ பைடன் மற்றும் துணை அதிபராக பதவியேற்க உள்ள கமலா ஹாரிசை , டைம் நாளிதழ் தேர்வு செய்துள்ளது.
1927 ம் ஆண்டு முதல் செய்திகளில் அதிகம் இடம்பெறும் நபர்களை தேர்வு செய்து, அமெரிக்காவின் டைம் நாளிதழ் விருது வழங்கி கவுரவித்து வருகிறது. அதில், 2020ம் ஆண்டிற்கான சிறந்த நபர்களாக, அமெரிக்க அதிபராக பதவியேற்க இருக்கும் ஜோ பைடன் மற்றும் துணை அதிபராக பதவியேற்க உள்ள கமலா ஹாரிஸ் ஆகியோர் தேர்வு செய்யப்பட்டுள்ளனர். இருவரையும் தேர்வு செய்துள்ள டைம் நாளிதழ், அமெரிக்காவின் கதையை மாற்றியவர்கள் என புகழாரம் சூட்டியுள்ளது.
இந்த ஆண்டிற்கான சிறந்த நபர்கள் பட்டியலில், அதிபர் டிரம்ப், முன்கள சுகாதார பணியாளர்கள், அந்தோணி பவுசி, இனவெறிக்கு எதிரான இயக்கம் ஆகியவை இருந்தனர். அவர்களை பின்னுக்கு தள்ளி பைடன் மற்றும் கமலா ஹாரிஸ் தேர்வு செய்யப்பட்டுள்ளனர்.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
