வாலாஜாபாத்: நியாயவிலை கடைகளில் வினியோகம் செய்யப்படும், 1 கிலோ கொண்டைக் கடலையில், 100 கிராம் கற்கள் இருப்பதாக, புகார் எழுந்துள்ளது.காஞ்சிபுரம் மாவட்டத்தில், நுகர்பொருள் வாணிப கழகம் மற்றும் கூட்டுறவு சங்கங்களின் மூலமாக, 450க்கும் மேற்பட்ட நியாயவிலை கடைகள் உள்ளன.இந்த கடைகளில், இம்மாதம், ஒரு குடும்ப அட்டைதாரர்களுக்கு, 5 கிலோ மூக்கடலை எனும் கொண்டை கடலை, இலவசமாக வினியோகிக்கப்படுகிறது. இதில், 100 கிராம் அளவில், கற்கள் கிடப்பதாக, புகார் எழுந்துள்ளது.இது குறித்து, வாலாஜாபாத் வட்டாரத்தைச்சேர்ந்த குடும்ப அட்டைதாரர் ஒருவர் கூறியதாவது: ஒரு அட்டைக்கு, 1 கிலோ துவரம் பருப்பு, குறைந்த விலைக்கு வழங்கி வந்தனர். இந்த மாதம், கொண்டை கடலை, இலவசமாக வினியோகம் செய்வதால், துவரம் பருப்பை நிறுத்திவிட்டனர்.அதிலும், கற்கள் கலந்த கொண்டை கடலையில், கற்களை நீக்கும்போது, 1 கிலோ கடலைக்கு, 100 கிராம் எடை குறைகிறது.இது குறித்து கேட்டால், எங்களுக்கு வருவதை அப்படியே வினியோகம் செய்கிறோம். வேண்டுமானால், மேல் அதிகாரிகளிடம் பேசிக் கொள்ளுங்கள் என்கின்றனர்.இவ்வாறு, அவர்கள் கூறினர்.