ஆர்.கே.பேட்டை: ஆத்மலிங்கேஸ்வரர் கோவிலில், நேற்று மாலை, சனி பிரதோஷ வழிபாடு நடந்தது. திரளான பக்தர்கள், அபிஷேக தரிசனம் செய்தனர்.வங்கனுார், சின்ன குளக்கரையில் உள்ள ஆத்மலிங்கேஸ்வரர் கோவிலில், சனி பிரதோஷ வழிபாடு நேற்று நடந்தது. காலை, 10;00 மணிக்கு, மூலவர் மற்றும் நந்திதேவருக்கு நித்திய பூஜை நடந்தது.மாலை, 4:30 மணிக்கு, நந்திதேவருக்கு, பிரதோஷ அபிஷேகம் செய்யப்பட்டது. பிரதோஷநாதர், உள்புறப்பாடில் எழுந்தருளினார்.அதே போல், வங்கனுார், மலைக்கோவில், அத்திமாஞ்சேரிபேட்டை கல்யாணசுந்தரேசனார் கோவில், பொதட்டூர்பேட்டை அகத்தீஸ்வரர் கோவில், ஆர்.கே.பேட்டை விசாலீஸ்வரர் கோவில்களிலும், சனி பிரதோஷ வழிபாடு நடந்தது.