பொது செய்தி

தமிழ்நாடு

போலீஸ் பாதுகாப்புடன் இயங்கிய மலை ரயில்!

Added : டிச 13, 2020
Share
Advertisement
குன்னுார்:நீலகிரி மலை ரயில், துப்பாக்கி ஏந்திய போலீசார் பாதுகாப்புடன், இயக்கப்பட்டது.நுாற்றாண்டு பழமை வாய்ந்த நீலகிரி மலை ரயில் குன்னுார் - மேட்டுப்பாளையம் இடையே நீராவி இன்ஜின்; குன்னுார் - ஊட்டி இடையே டீசல் இன்ஜினால் இயக்கப்படுகிறது.கடந்த வாரம் சனி, ஞாயிறு தினங்களில், 'டி.என்.43' என்ற பெயரில், தனியார் சுற்றுலா நிர்வாகம் சார்பில், மலை ரயில் மேட்டுப்பாளையத்தில்
 போலீஸ் பாதுகாப்புடன் இயங்கிய மலை ரயில்!

குன்னுார்:நீலகிரி மலை ரயில், துப்பாக்கி ஏந்திய போலீசார் பாதுகாப்புடன், இயக்கப்பட்டது.

நுாற்றாண்டு பழமை வாய்ந்த நீலகிரி மலை ரயில் குன்னுார் - மேட்டுப்பாளையம் இடையே நீராவி இன்ஜின்; குன்னுார் - ஊட்டி இடையே டீசல் இன்ஜினால் இயக்கப்படுகிறது.கடந்த வாரம் சனி, ஞாயிறு தினங்களில், 'டி.என்.43' என்ற பெயரில், தனியார் சுற்றுலா நிர்வாகம் சார்பில், மலை ரயில் மேட்டுப்பாளையத்தில் இருந்து ஊட்டிக்கு இயக்கப்பட்டது.

இந்த ரயிலுக்கு பல அமைப்புகள், அரசியல்கட்சிகள் கண்டனம் தெரிவித்தன.இந்நிலையில், நேற்று வந்த மலை ரயிலில், 'டி.என்.43' என்ற பெயர் இல்லை. என்.எம்.ஆர்., என, நீலகிரி மலை ரயிலின் பெயர் வைக்கப்பட்டது. துப்பாக்கி ஏந்திய போலீசார் பாதுகாப்புடன், மலை ரயில் இயக்கப்பட்டது. இன்ஜினில், 'பர்ன் குயின்' என்ற பெயரை அகற்றி, 'நீலகிரி பிளை கேச்சர்' என, பெயர் மாற்றப்பட்டு இருந்தது.

இந்த ரயில், ஊட்டி ரயில்வே ஸ்டேஷனுக்கு வந்த போது, எஸ்.டி.பி.ஐ., அமைப்பினர் மறியல் போராட்டத்தில் ஈடுபட முயன்றனர். 14 பேர் கைது செய்யப்பட்டனர்.


'இது வேறு, அது வேறு'

நீலகிரி மலை ரயிலை, 'பேக்கேஜ்' முறையில் இயக்கி வரும் முஜிபூர் ரஹ்மான் கூறியதாவது;ஊட்டிக்கு ரயில்வே துறையால் இயக்கப்படும் ரயிலுக்கும், இதற்கும் எந்த சம்பந்தமும் இல்லை. இது சுற்றுலா பயணிகளுக்காக, 'பேக்கேஜ்' முறையில் தனியாக, 'ரயில்வே டூரிசம்' முறையில் இயக்கப்படும் ரயில். இது பல ஆண்டுகளாக இயக்கப்பட்டு வருகிறது.

இதற்கென நாங்கள், ரயில்வே துறைக்கு தனியாக, 'டிபாசிட்' கட்டுகிறோம். குறிப்பிட்ட நாட்கள் மட்டும் இயக்குகிறோம். இதில் வரும் சுற்றுலா பயணியருக்கு உணவு உட்பட அனைத்து வசதிகளும் செய்து தருகிறோம். இதனால், வழக்கமான மலை ரயில் பயணத்துக்கு பாதிப்பு ஏற்படாது.இவ்வாறு, அவர் கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X