கிருஷ்ணகிரி: தொடக்கக்கல்வி பட்டய தேர்வெழுதிய ஆசிரியர் பயிற்சி மாணவர்கள், தனித்தேர்வர்கள் மறு கூட்டல் மற்றும் ஒளி நகல் பெற விண்ணப்பிக்கலாம். இது குறித்து, கிருஷ்ணகிரி மாவட்ட ஆசிரியர் கல்வி மற்றும் பயிற்சி நிறுவன முதல்வர் சீனிவாசன் வெளியிட்டுள்ள அறிக்கை: செப்., 2020ல் நடந்த தொடக்கக்கல்வி பட்டய தேர்வுக்கு வந்த ஆசிரியர் பயிற்சி மாணவர்கள், தனித்தேர்வர்களின் தேர்வு முடிவுகள், கடந்த, 7 அன்று பிற்பகல் அந்தந்த ஆசிரியர் பயிற்சி நிறுவனங்களில் வெளியிடப்பட்டது. இதில், தேர்வெழுதிய மாணவர்கள் மற்றும் தனித்தேர்வர்கள், தேர்வெழுதிய பாடங்களுக்குரிய விடைத்தாள்களை, மறுகூட்டல் செய்யவும் மற்றும் ஒளிநகல் பெறுவதற்கும், வரும், 14 முதல், 17 வரை விண்ணப்பிக்கலாம். இவ்வாறு அதில் தெரிவித்துள்ளார்.