திருப்போரூர் : திருப்போரூர் ஒன்றியம், ஓ.எம்.ஆர்., சாலையில், நாவலுார் - -கேளம்பாக்கம் இடையே ஏகாட்டூர், சிறுசேரி, வாணியஞ்சாவடி, கழிப்பட்டூர், படூர் ஆகிய பகுதிகள் உள்ளன. இப்பகுதிகளில், பிரபல தொழில் நிறுவனங்கள், அடுக்குமாடி குடியிருப்புகள், பொழுது போக்கு மால்கள், கல்லுாரிகள் உள்ளிட்டவை உள்ளன. இச்சாலையில், தினமும், லட்சக்கணக்கோனோர் பயணிக்கின்றனர்.

போக்குவரத்து இருந்து கொண்டே இருக்கும் இப்பகுதியில், கால்நடைகள் உலாவுகின்றன. அதன் உரிமையாளர்கள், வீடுகளில் கால்நடைகளை வளர்க்காமல், சாலையில் திரிய விடுகின்றனர்.இதனால், போக்குவரத்துக்கு இடையூறு ஏற்படுவதுடன், வாகனங்களில் செல்வோர் விபத்தில்சிக்குகின்றனர்.எனவே, கால்நடைகளை சாலையில் திரிய விடும் உரிமையாளர்கள் மீது, நடவடிக்கை எடுக்க வேண்டும் என, பொதுமக்கள் கோரிக்கை விடுத்து உள்ளனர்.