பொது செய்தி

தமிழ்நாடு

கழிவு நீர் எடுக்கும் லாரிகளுக்கு காஞ்சிபுரம் நகராட்சி எச்சரிக்கை

Added : டிச 15, 2020 | கருத்துகள் (1)
Share
Advertisement
காஞ்சிபுரம் : காஞ்சிபுரம் நகராட்சி வீடுகளில் எடுக்கப்படும் கழிவு நீரை, கண்ட இடத்தில் கொட்டினால், 25 ஆயிரம் ரூபாய் அபராதம் விதிக்கப்படும் என, நகராட்சி எச்சரித்துள்ளது.காஞ்சிபுரம் நகராட்சி பகுதியில், பாதாள சாக்கடை இணைப்பு இல்லாத குடியிருப்பு கழிவு நீர், தனியார் லாரிகள் மூலம் எடுக்கப்படுகிறது.அவ்வாறு எடுக்கப்படும் கழிவு நீர், நகராட்சி ஒதுக்கியுள்ள இடத்தில் கொட்டாமல்,

காஞ்சிபுரம் : காஞ்சிபுரம் நகராட்சி வீடுகளில் எடுக்கப்படும் கழிவு நீரை, கண்ட இடத்தில் கொட்டினால், 25 ஆயிரம் ரூபாய் அபராதம் விதிக்கப்படும் என, நகராட்சி எச்சரித்துள்ளது.

காஞ்சிபுரம் நகராட்சி பகுதியில், பாதாள சாக்கடை இணைப்பு இல்லாத குடியிருப்பு கழிவு நீர், தனியார் லாரிகள் மூலம் எடுக்கப்படுகிறது.அவ்வாறு எடுக்கப்படும் கழிவு நீர், நகராட்சி ஒதுக்கியுள்ள இடத்தில் கொட்டாமல், திறந்தவெளி மற்றும் மழை நீர் கால்வாய்களில் கொட்டுவதாக, பொதுமக்கள் புகார் அளித்தனர்.இதையடுத்து, காஞ்சிபுரம் நகராட்சி அலுவலகத்தில், கழிவு நீர் எடுக்கும் லாரி உரிமையாளர்கள் மற்றும் தொழிலாளர்களுக்கான விழிப்புணர்வு கூட்டம், நேற்று நடந்தது.

இதில், நகராட்சி ஆணையர் மகேஸ்வரி பங்கேற்று பேசியதாவது:வீடுகளில் உள்ள செப்டிக் டேங்க் கழிவு நீரை பாதுகாப்புடன் எடுக்க வேண்டும். தொட்டியின் உள்ளே இறங்கி பார்க்கக் கூடாது.மேலும், இத்தொழிலில் ஈடுபடும் தொழிலாளர்கள், முக கவசம், ஆக்சிஜன் சிலிண்டர், கையுறை போன்றவற்றை, கட்டாயம் பயன்படுத்த வேண்டும். வீடுகளில் எடுக்கப்படும், கழிவு நீரின் தன்மையை ஆய்வுக்கு உட்படுத்த வேண்டும்.

நத்தப்பேட்டை கழிவு நீர் சுத்திகரிப்பு நிலைய தொட்டிகளில் கொட்ட வேண்டும். பிற இடங்களில் கொட்டக் கூடாது. இந்த தொழிலில் ஈடுபடும் லாரிகள், வட்டார போக்குவரத்து அலுவலகத்தில், பதிவு செய்திருக்க வேண்டும்; நகராட்சியில் அனுமதி பெற்று செயல்பட வேண்டும்.நகராட்சி அறிவித்துள்ள விதிமுறை மீறி செயல்படும் வாகனங்களின் உரிமம் ரத்து செய்யப்படும் அல்லது 25 ஆயிரம் ரூபாய் அபராதம் விதிக்கப்படும்.இவ்வாறு, அவர் பேசினார்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rajaiah Samuel Muthiahraj - Canberra /kancheepuram,இந்தியா
16-டிச-202005:37:29 IST Report Abuse
Rajaiah Samuel Muthiahraj முதலில் க்கழிவு நீர் உறிஞ்சு மையத்தினை காஞ்சிபுரம் மாமல்லன் நகர் மகேந்திரபல்லவன் தெருவினை ஆக்கிரமித்து கொசுக்கடி வாகன போக்குவரத்து நெருக்கடி கொசு உற்பத்தி ஆகியவற்றை செயல்படும் விதத்தில் காஞ்சிபுரம் நகராட்சியே சாலையின் மையத்தில் புளொட் நம்பர் பி இரண்டாம் எண் வீட்டுக்கு முன்புறம் மோட்டார் அறையினையும் சாக்கடை கிணற்றினையும் கட்டிவைத்துக்கொண்டு எட்டு ஆண்டுகளாக ரோட்டினை பாழாக்கிடும் காஞ்சிபுரம் நகராட்சிக்கு மற்றும் உரிய நடவடிக்கை எடுக்காத அதிகாரிகட்க்கு எவ்வளவு அபராதம் போடுவது என சார்ந்த அதிகாரிகள் முடிவெடுக்கவேண்டும் அரசியல்வாதிகள் எதனையும் கண்டுகொள்ளுவதே இல்லை
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X