மதுரை : மதுரையில் கொரோனா ஊரடங்கு தளர்விக்கு பின் இன்று (டிச., 16)முதல் திருமலை நாயக்கர் மகால் மற்றும் உலக தமிழ் சங்க வளாக கீழடி கண்காட்சி மக்கள் பார்வைக்காக திறக்கப்படுகிறது.

தொல்லியல் துணை இயக்குனர் சிவானந்தம் கூறியதாவது: மகால் வழக்கம் போல் காலை 9:00 - மாலை 5:00 மணி வரை திறந்திருக்கும். மாலை 6:30 மணிக்கு ஒளி, ஒலி காட்சிகள் நடக்கும்.உலக தமிழ் சங்க கீழடி கண்காட்சி காலை 11:00 - மாலை 5:00 மணி வரை திறந்திருக்கும். மகால், கண்காட்சியை பார்வையிட வருவோர் அவசியம் முககவசம் அணிய வேண்டும். கிருமி நாசினி மூலம் கைகளை சுத்தம் செய்த பின் சமூக இடைவெளியை பின்பற்றி பார்வையிட வேண்டும், என்றார்.