பொள்ளாச்சி : வடக்கிபாளையம் ஏலத்தில், கொப்பரை கிலோவுக்கு, 126.93 ரூபாயாக உயர்ந்தது.

பொள்ளாச்சி, வடக்கிபாளையம் ஒழுங்குமுறை விற்பனைக்கூடத்தில், கண்காணிப்பாளர் விஜயகுமார் தலைமையில் நேற்று, கொப்பரை ஏலம் நடந்தது. முதல் தர கொப்பரை, 13 மூட்டைகள் ஏலம் விடப்பட்டதில், கிலோவுக்கு, 120.99 முதல், 126.96 ரூபாய் விலை கிடைத்தது. இரண்டாம் தர கொப்பரை, 17 மூட்டைகள் ஏலம் விடப்பட்டதில் கிலோவுக்கு, 85.99 முதல், 115.10 ரூபாய் விலை நிர்ணயிக்கப்பட்டது.நேற்றைய ஏலத்துக்கு, 30 மூட்டை கொப்பரையை, 15 விவசாயிகள் கொண்டு வந்தனர்; 6 வியாபாரிகள் பங்கேற்றனர். கடந்த வாரத்துடன் ஒப்பிடுகையில், இந்த வாரம் கொப்பரை விலை, 6.19 ரூபாய் உயர்ந்துள்ளது.