கோர்ட் செய்தி

தமிழ்நாடு

காமராஜ் பல்கலை மீது ஐகோர்ட் கடும் அதிருப்தி

Added : டிச 16, 2020 | கருத்துகள் (2)
Share
Advertisement
மதுரை:'மூன்றாண்டில் படிக்க வேண்டிய, பி.ஏ., பட்டத்தை ஓராண்டில் படித்ததாக, மதுரை காமராஜ் பல்கலை பட்டம் வழங்கியது, மோசடிக்கு சமம். எப்படி எப்படியெல்லாம் தவறு செய்யலாம் என, இப்பல்கலையில் கற்றுக் கொள்ளலாம்.'நல்ல தலைவர் காமராஜ் பெயரில் உள்ள இப்பல்கலையின் பெயரை மாற்றி விடலாம்' என, உயர் நீதிமன்ற மதுரைக் கிளை அதிருப்தி வெளியிட்டது.மதுரை, ஆரப்பாளையத்தைச் சேர்ந்தவர் பாபு.

மதுரை:'மூன்றாண்டில் படிக்க வேண்டிய, பி.ஏ., பட்டத்தை ஓராண்டில் படித்ததாக, மதுரை காமராஜ் பல்கலை பட்டம் வழங்கியது, மோசடிக்கு சமம். எப்படி எப்படியெல்லாம் தவறு செய்யலாம் என, இப்பல்கலையில் கற்றுக் கொள்ளலாம்.'நல்ல தலைவர் காமராஜ் பெயரில் உள்ள இப்பல்கலையின் பெயரை மாற்றி விடலாம்' என, உயர் நீதிமன்ற மதுரைக் கிளை அதிருப்தி வெளியிட்டது.

மதுரை, ஆரப்பாளையத்தைச் சேர்ந்தவர் பாபு. இவர், 1990ல், பி.எஸ்சி., கணிதம், மூன்று ஆண்டு படிப்பில் சேர்ந்தார்.அது சிரமமாக இருந்ததால், முதல் இரு ஆண்டுகள் முடித்ததும், மூன்றாவது ஆண்டு மதுரை காமராஜ் பல்கலை தொலைநிலைக் கல்வியில், பி.ஏ., வரலாறு சேர்ந்தார். அவருக்கு பல்கலை விலக்களித்து, பி.ஏ., வரலாறு மூன்று ஆண்டு பாடங்களுக்கும் தேர்வு எழுத அனுமதித்தது. பாபுவிற்கு, 1995ல், பி.ஏ., வரலாறு பட்டம் வழங்கப்பட்டது.

பின், பாரதியார் பல்கலையில், பி.எட்., பட்டம் பெற்றார்.ஆசிரியர் தேர்வு வாரியம், டி.ஆர்.பி., பட்டதாரி ஆசிரியர்கள் நேரடி நியமனத்திற்கான அறிவிப்பு வெளியிட்டது.பாபு விண்ணப்பித்தார். 2014ல் சான்றிதழ் சரிபார்ப்பில் பாபு பங்கேற்றார்.அவருக்கு தகுதி இல்லை எனக் கூறி, டி.ஆர்.பி., நிராகரித்தது. அதை எதிர்த்து, உயர் நீதிமன்ற மதுரைக் கிளையில் பாபு மனு தாக்கல் செய்தார்.

அரசு தரப்பு, 'பாபு பி.ஏ., வரலாறு ஓராண்டு தான் படித்துள்ளார். பணி நியமனத்திற்கு தகுதிகளை பெற்றிருக்கவில்லை. இதனால், அவருக்கு பணி வழங்கவில்லை' என, தெரிவித்தது.தனி நீதிபதி, 'பணி வழங்க மறுத்த உத்தரவு ரத்து செய்யப்படுகிறது. பணி வழங்க, டி.ஆர்.பி., பரிசீலிக்க வேண்டும்' என, உத்தரவிட்டார்.

இதை எதிர்த்து, டி.ஆர்.பி., தலைவர் மேல்முறையீடு செய்தார்.நீதிபதிகள் என்.கிருபாகரன், பி.புகழேந்தி அமர்வு: மூன்றாண்டில் படிக்க வேண்டிய பி.ஏ., வரலாறை ஓராண்டில் படித்ததாக, மதுரை காமராஜ் பல்கலை பட்டம் வழங்கியது, மோசடிக்கு சமம்.எப்படி எப்படியெல்லாம் தவறு செய்யலாம் என்பதை, இப்பல்கலையில் கற்றுக் கொள்ளலாம் என்பதற்கு, இது முன்னுதாரணம்.

நல்ல தலைவர் காமராஜ் பெயரில் உள்ள இப்பல்கலையின் பெயரை மாற்றி விடலாம்.இவ்வாறு அதிருப்தி தெரிவித்த நீதிபதிகள், தனி நீதிபதியின் உத்தரவிற்கு இடைக்கால தடை விதித்தனர். பல்கலை தொடர்பான இதர வழக்குகளுடன் சேர்த்து, நாளை விசாரணைக்கு உத்தரவிட்டனர்.

Advertisement


வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
natarajan s - chennai,இந்தியா
17-டிச-202009:21:51 IST Report Abuse
natarajan s ஒரு காலத்தில் (அப்போது மொத்தமே மூன்று பல்கலைக்கழகம்தான் சென்னை, அண்ணாமலை , மதுரை ) மிக நன்றாக செயல் பட்ட பல்கலைக்கழகம். இந்தியாவில் முதல் முறையாக DUMMY NUMBER TEM கொண்டுவந்த ,. TOPOLOGY என்ற ஒரு பாடத்தை இந்தியாவில் அறிமுகப்படுத்திய ஒரு பல்கலைக்கழகம், எப்போது அரசியல் பின்னணி கொண்ட CONTROLLER கையில் சென்றதோ அப்போதே எல்லா விதிமீறல்களை ஆரம்பித்து விட்டது.இப்படி அரசியல் தலைவர்களை கேவலப்படுத்த வேண்டாம் அவர்கள் பெயரை வைத்து. தமிழ்நாட்டில் ஒரு பல்கலைலழகம் கூட இதில் உருப்படி இல்லை .பின் எப்படி UPSC pass செய்வது, NEET எதிர் கொள்வது? தரம் இல்லாத ஆசிரியல்கள் தனது தரத்திற்குத்தான் மாணவர்களை உருவாக்குவார்கள் .
Rate this:
Cancel
.Dr.A.Joseph - London,யுனைடெட் கிங்டம்
17-டிச-202003:52:02 IST Report Abuse
.Dr.A.Joseph ஒவ்வொரு பல்கலைகளிலும் அரசு உதவி பெரும் கல்லூரிகளிலும் நியமனம் செய்பப்பட்ட ஆசிரியர்கள் என்னென்ன முறை கேடெல்லாம் செய்து நுழைந்து இருப்பார்கள் .எப்படி ஒரு கூலி தொழிலாளியின் பிள்ளை அங்கு வேலை பெற்றிருக்க முடியும். 2000 ஆண்டுக்கு பிறகு வழங்கப்பட்ட படிப்பு சான்று, பணி நியமனம் மாரு பரிசீலனை செய்யுங்கள். முதலைகளும் திமிங்கலங்கழும் பிடிபடும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X