கோவை : இந்திய தொழில் கூட்டமைப்பு (சிஐஐ) சார்பில், தொழிலில் புதுமையாகவும், சிறப்பாகவும் செயல்படும் தொழில் நிறுவனங்களுக்கு, 2014ம் ஆண்டு முதல் விருதுகள் வழங்கப்படுகிறது.

தொழில் நிறுவனங்களை பல்வேறு பிரிவுகளாக வகைப்படுத்தி தேர்வு செய்து, உற்சாகப்படுத்த இந்த விருது உருவாக்கப்பட்டுள்ளது.அந்த வகையில், இந்த ஆண்டின் மிகச்சிறந்த புதுமைப் படைப்பு தொழில் நிறுவனமாக, லட்சுமி மெஷின் ஒர்க்ஸ் நிறுவனத்தின், டெக்ஸ்டைல்ஸ் மெஷினரி பிரிவு, விருதுக்கு தேர்வு செய்யப்பட்டுள்ளது.இந்திய தொழில் கூட்டமைப்பு இம்மாதம்9ம் தேதி நடத்திய, ஆன்லைன் விழாவில், விருது அறிவிக்கப்பட்டது. சர்வதேச அளவில் நிறுவனத்தின் சிறப்பான, புதுமையான பொருட்களையும், சேவையையும் அடையாளம் காட்ட, இந்த விருது உதவும் என, இந்திய தொழில் கூட்டமைப்பு தெரிவித்துள்ளது.