பொது செய்தி

தமிழ்நாடு

வேளாண் சட்டங்களை ரத்து செய்யக்கோரி மூன்றாவது நாளாக காத்திருப்பு போராட்டம்

Added : டிச 17, 2020
Share
Advertisement
தர்மபுரி: மத்திய அரசின், மூன்று வேளாண் சட்டங்களை ரத்து செய்ய வலியுறுத்தி, தர்மபுரியில் நேற்று, மூன்றாவது நாளாக, விவசாயிகள் காத்திருப்பு போராட்டத்தில் ஈடுபட்டனர். தர்மபுரி டவுன் பி.எஸ்.என்.எல்., அலுவலகம் முன், அகில இந்திய விவசாயிகள் போராட்ட ஒருங்கிணைப்பு குழு சார்பில் நடந்த போராட்டத்துக்கு, மாவட்ட அமைப்பாளர் அர்ச்சுணன் தலைமை வகித்தார். இதில், விவசாயிகள் மீது தாக்குதல்

தர்மபுரி: மத்திய அரசின், மூன்று வேளாண் சட்டங்களை ரத்து செய்ய வலியுறுத்தி, தர்மபுரியில் நேற்று, மூன்றாவது நாளாக, விவசாயிகள் காத்திருப்பு போராட்டத்தில் ஈடுபட்டனர். தர்மபுரி டவுன் பி.எஸ்.என்.எல்., அலுவலகம் முன், அகில இந்திய விவசாயிகள் போராட்ட ஒருங்கிணைப்பு குழு சார்பில் நடந்த போராட்டத்துக்கு, மாவட்ட அமைப்பாளர் அர்ச்சுணன் தலைமை வகித்தார். இதில், விவசாயிகள் மீது தாக்குதல் நடத்திய, மத்திய அரசை கண்டித்தும், வேளாண் சட்டங்கள் மற்றும் மின்சார திருத்த சட்ட மசோதா ஆகியவற்றை ரத்து செய்ய வலியுறுத்தி, நேற்று மூன்றாவது நாளாக, விவசாயிகள் போராட்டத்தில் ஈடுபட்டு, கோஷங்கள் எழுப்பினர். மேலும் போராட்டத்தில், டில்லியில் நடக்கும் விவசாயிகளின் போராட்டத்துக்கு ஆதரவாகவும், மத்திய அரசு, அவர்களிடம் பேச்சுவார்த்தை நடத்தி, வேளாண் சட்டங்களை ரத்து செய்ய வலியுறுத்தப்பட்டது. போராட்டத்தில் ஈடுபட்ட, 25 பெண்கள் உட்பட மொத்தம், 65 பேரை போலீசார் கைது செய்தனர். மாநில ஒருங்கிணைப்பாளர் பாலகிருஷ்ணன், அனைத்திந்திய ஜனநாயக மாதர் சங்க மாவட்ட செயலாளர் கிரைஸாமேரி, மா.கம்யூ., மாவட்ட செயலாளர் குமார் உள்பட பலர் கலந்து கொண்டனர்.

* அகில இந்திய விவசாய போராட்ட ஒருங்கிணைப்பு குழு சார்பில், கிருஷ்ணகிரி புதிய பஸ் ஸ்டாண்ட் அருகே, நேற்று மூன்றாவது நாளாக காத்திருப்பு போராட்டம் நடந்தது. போராட்டத்தை ஆதரித்து, கிருஷ்ணகிரி, காங்., - எம்.பி., செல்லகுமார், வி.சி., மாவட்ட செயலாளர் கனியமுதன், தமிழ்நாடு விவசாயிகள் சங்க, மாநில துணைத்தலைவர் லகுமைய்யா ஆகியோர் பேசினர். இதேபோல், கிருஷ்ணகிரி பழையபேட்டை காந்தி சிலை அருகில், தமிழ்நாடு விவசாயிகள் சங்கம் சார்பில், நேற்று மூன்றாவது நாளாக காத்திருப்பு போராட்டம் நடந்தது. போராட்டத்தில் ஈடுபட்ட, 80 பேரை போலீசார் கைது செய்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X